طريقة هريسة

المقادير

• سميد
• زبادي
• حليب سائل
• فانيلا
• بيكنج باودر
• سمنة

الخطوات

هريستي اللزيزة 😍😍

كاستين و نص سميد خشن او ممكن وسط غير هيك لااااا ضفت عليهم كاسة الا ربع سمنة انا خلطت ما بين السمنة البلدي و السمنة العادية انتي براحتك اعملي باللي بتحبيه سيحتها و ضفتها ع السميد و بأطراف أصابعي بسيتهم بس لين ما حبة السميد شربت السمنة ووقفت ما طولت يعني

كاسة زبادي

كاسة حليب سائل طبعا

كاسة و نص سكر

ع راس الملعقة الصغيرة ملح يعني تقريبا ربعها

ملعقة صغيرة بيكنج باودر

فانيلا

خلطتهم كلهم سوا بعدين ضفتهم ع السميد

و حركتهم كلهم سوا و غطيته و تركته شي تلت ساعة بعدها ديريها بقالب مدهون سمنة و مرشوش بالطحين و ع الفرن ع درجة حرارة 180

بعد مرور  ربع ساعة طلعت الصنية و قطعتها و  حطيت عليها المكسرات و السبب بهالشي انه لو حطيتيها من البداية رح تغووص جوا 😂 لانه العجينة بتشبه عجينة الكيك شبه سائلة فالتزموا بهالشي ازا  حابين تجربوها و تزبط

بعدها رجعوها ع الفرن ممكن تاخد تلت ساعة او اكتر على حسب فرنك و بتطلعيها و فورا حطي عليها القطر

القطر :

كاستين سكر

كاستين مية

عصرة ليمون و ع النار

و للي بحب نكهة مية الزهر يضيف ملعقة منها عند الغليان و خلوها تغلي خمس دقايق

و بالعااافية

Alaa Abdullah Lolla 😊