كيكة البركان
كيكة البركان
المقادير
- ٣ كاسات طحين
- ٣ معالق بكنغ باودر
- ٣ بيضات حجم كبير
- ٢ معلقة لبن رايب
- ٣ معالق فانيلا بودر
- ٢ معلقة كاكاو
- ١ كاسة زيت
- ١ ونص كاسة سكر
- علبة سفن أب كبيرة
- نص كاسة حليب سائل
- مقادير صوص الشوكولاتة
- نص كاسة حليب سائل
- علبة حليب مكثف محلا
- باكيت قيمر
- معلقتين كاكاو
- معلقتين سكر
- أصبع زبدة ١٠٠ غرام
- معلقتين زيت نباتي
- قالب شكولاتة بالحليب أو أي شكوللتة بتحبيها متل جلاكسي او أي نوع بتحبي
الخطوات
نجهز القالب ندهنو زيت ونروشو بطحين ونتركو على جنب وحمي الفرن من تحت على ١٨٠د وبعدين بنبدء بنخل الطحين والبكنغ باودر على جنب وبعدين بجاط بخفق البيض والفانيلا والسكر خفق منيح حتى يصير كريمي ويضاعف حجمو وبعدين بزود عليهم الزيت شوي شوي مع الخفق المستمر وبعدين بحط اللبن الرايب وبعدين بحط الطحين على دفعات مع السفن والحليب وبترك تقريبآ ثلاث معالق من الحليب على جنب بس يختلطو مع بعض بنوقف خلط عشان ما ينشف وبعدين بحط نص الخليط بالقالب وبعدين بزيد الكاكاو والحليب ثلاث معالق على النص التاني وبخلطهم وبحطهم فوق الخليط الأبيض وبدخلها الفرن حتى تستوي طبعآ بعد نص ساعة لما أفتح عليها الفرن وأختبر الإستواء بالسكينة وبحمر الوجة وبطلعها
أما صوص الشكولاتة بحط جميع المكونات ما عادا الزيت والزبدة والشكولاتة وبحركهم منيح وبحطهم على الغاز مع التحريك المستمر حتى الغليان وبعدين بضيف الزبدة والزين والشكولاتة يدوبو مع الحم وبكون طفيت عليهم وبس يطلع الكيك بخلي يرتاح شوي وبعدين بحط الصوص علي وبعبي فتحت القالب إلي بالنص وصحتين وعافية يا رب
