معجنات الشوكولاته على طريقتي الخاصه
معجنات الشوكولاته على طريقتي الخاصه
المقادير
- 6 اكواب طحين ابيض
- معلقتين كبار خميره
- كاسه سكر ناعم
- بيضتين
- معلقتين فانيلا سائل
- معلقتين صغار خل
- رشه صغيره ملح
- نص كوب زبده طريه
- 2 كوب ونص ماء او حليب دافي
- للحشوه
- شوكولاته دهن
- قرفه
- سكر بني
- ربع كاسه زبده
- لدهن وجه المعجنات
- صفار بيضه
- معلقه نسكافيه
- معلقه فانيلا
- خليط التلميع ربع كاسه قطر لدهن المعجنات بعد الخبز مباشره
الخطوات
بنخلط المقادير الجافه مع بعض بعدين بنضيف البيض والزبده والفانيلا والخل وبنخلطهن منيح
وبنبلش نضيف المي شوي شوي مع العجن لما تسير العجينه ناعمه وطريه وهوون اهم سبب نجاح العجينه العجن لمده اقل اشي من عشر دقايق لربع ساعه وبندهن العجينه زيت وبنغطيها وبنخليها تخمر لمده ساعه بعد متختمر بنقطع العجينه حسب الطلب وبنريحها شوي وبنبلش نرقها ونحشيها بالشوكولاته او القرفه والزبده والسكر وبنصفها على صينيه الفرن وبنخليها اقل اشي نص ساعه تقريباا لما يتضاعف حجمها وبندهنها بخفه بفرشاي مع مراعاه عدم الضغط عليها بخليط صفار البيض والنسكافيه والفانيلا
وبنخبزها بالفرن على درجه 180 لما يسير لونها ذهبي
وصحتين وهنا
