العوامة السورية مع أسرار القرشة لتالت يوم

المقادير

• 2ونص كوب طحين منخول
• 2 معلقة كبيرة نشا
• 1 معلقة كبيرة سكر
• 1 معلقة كبيرة خميرة
• 1 معلقة كبيرة حليب بودرة
• رشة ملح
• 2 كوب ماء دافئ او حتى تصبح عجينة مطاطية رخوة
• قطر بارد وسميك عبارة عن :
• 3 كوب سكر
• 1 وربع كوب ماء
• عصرة ليمون
• فانيلا او ماء الزهر
• نحضر القطر قبل بوقت وبحطو بالبراد

الخطوات

ننخل الطحين وبنحط فوقو الخميرة والسكر والنشا والحليب البودر نخلطون ونضيف الماء الدافئ والملح ونحركها لحتى تصير عجينة مطاطية رخوة نوعا ما نغطيها ونتركها تخمر من ساعة لساعة ونص حسب الجو وبعدا منحركها وبنحمي الزيت وبنخلي النار وسط وبنحط جنبنا فنجان زيت ومعلقة وسط تبع الشاي بنمسك العجينة بكف الايد وبنطالع كرات زغيرة من بين اصابع الابهام والسبابة وبنبل المعلقة بالزيت وبنشيل العجينة عالزيت الساخن وبنقليهون لحتى يزهرو بنشيلون من الزيت وبنصفيهون وبعدا بنقليهون مرة تاني لحتى يحمرو مع التحريك المستمر حتى يحمرو من كل الجهات وبنحطون بالقطر البارد بنخليهون كم دقيقة وبنحطون بمصفاية لينزل القطر الزيادة وصحة وعافية

أسرار القرشة :

1- تنقلا على مرحلتين وباول مرحلة لما نطالعا من الزيت وهي فاتحة نصفيها من الزيت منيح ونحطا بالفريزر لحتى تبرد لبين ما نقلي باقي الكمية

2- انو القطر يكون بارد جدا وسميك قريب للعسل