فلافل وخبز شغل البيت

المقادير

• مقدار الطحين كيلو طحين كاستين حليب سائل ودافي . فنجان زيت زيتون معلقة خميرة كبيرة معلقة سكر كبيرة رشة ملح

الخطوات

ذوبت الخميرة والسكر بالحليب واضفت الزيت

رشيت الملح ع الطحين وعجنتهم بالحليب اللي فيها المكونات ولو شفتي العجينة جامدة زيديها مي دافية شوية .

تركتهم لختمرو وقطعتهم كرات صغيرة ورقيتهم وتركتهم نص ساعة يرتاحو

حميت شواية فرن غاز المطبخ وحطيت سدر رقيق الحواف تحت الشواية وبس حميت الصينية ابتديت احط ارغفة العجين ع الصينية وبس احمرت الارغفه قلبتها .وهكذا حتى خلصت خبزاني الصغنونات وبالصور رح تشوفوا الخطوات

والفلافل معروف

هو حمص حب منقوع ومفروم وبنفرم معه شوية بقدونس وكزبرة وراس بصل وكم سن توم وقرن فلفل اخضر وبنملحهم وبنحط فلفل اسود ورشة ملح ورشة كزبرة ناشفة ورشة قرنفل بتعطي طعم مميز للفلافل ولما بدنا نقلي الفلافل بنحط ع الكمية اللي بدنا نقليها بس معلقة كربونات الصوديوم صغيرة ومعلقة بيكنج باودر كبيرة وبنقليهم بزيت وفير على حرارة وسط ،،

وفي ناس بيعملوا الفلافل من الفول المجروش ..كل ناس وذوقهم بالاكل ..

الحمص

هو عبارة عن حمص مسلوق جدا لحتى استوا منيح وبالخلاط بنحطه مع رشة ملح وعصير ليمون وطحينة ومعلقة لبن رايب وبنخفقهم منيح .

وصحة وعوافي

#خبزات وفلافلات ام نضال نضال