كبسة عالفحم
كبسة عالفحم
المقادير
- بصل
- جزر مبروش
- فليفلة خضرا
- بقدونس
- بندورة
- رب البندورة
- دبس الرمان
- تومه
- بهارات كزبرة
- فلفل اسود
- لومي
- بهارات كبسة
- بهارات كاري
- هيل
- ملح
- بهارات بصل بودرة
- بهارات تومه بودرة
- تتبيلة الدجاج
- لبن
- خل
- ليمون
- بهارات دجاج
- بابريكا
- ملح
- معلقة زيت
- بهارات تومه وبصل بودرة
الخطوات
بتبلي الدجاج من قبل بيوم او قبل الطبخ ب ٣ ساعات وبتحطيها بالثلاجة عند الطبخ بتعملي خلطة الكبسة الي هي بصل مفروم ناعم والفليفله مفرومه ناعم وبندورة مكعبات ناعم والجزر المبروش وقرن الفلفل مفروم ناعم وبقدونس المفروم ناعم و اللومي ووبتحطي عليهم رب البندورة ودبس الرمان والملح وفلفل الاسود والبهارات البصل والتومه والهيل بتحوسيهم منيح ب شوية زيت بعدين بتحطي القطع الدجاج فوق الخلطه عالغاز ل وبقلبه شوي ل ياخد لون الخلطه وحطيت عليه رشة دبس الرمان ورجعت قلبته بس اخد لون الكبسة شلته وحطيته ب اكياس للشوي وحطيت من الخلطه ب كل كيس مغرفه صغيرة وحطيته بالفرن ل يستوي زيدت كمية الخلطه شوي ورجعت حستها عالغاز مشان الرز هلا الفكره بالفحم أنه فحمت الخلطه جبت فحمه فحمتها منيح وطفيت عالخلطه وحطيت قصديرة بنص الطنجره الي فيها الخلطه ودرت عليها زيت وغطيتها ل تاخد الخلطه طعم الفحم بعد خمس دقائق طبقت الرز فوق الخلطه
بالنسبة للرز بتنقعي الرز ب مي فاترة ” رز الكبسة” بعدها تبلته ببهارات كبسة وبابريكا وهيل وبصل وتومه بودرة وبهارات كزبرة وطبقتها لما استوى الدجاج فتحت الاكياس حمرته وفحمت فحمه وفحمته ل اخد طعم الفحم ونفس الشي الرز بس استوى حفرت بالنص وحطيت فنجان بورسلان او ادا ما عندك بورسلان قصديرة وفحمته وخليته مغطى خمس دقائق ل اخد طعم الفحم وصحه وهنا
