طريقة عمل الجاتوه الاسفنجى, وصفة مميزة كيف لا وهي من خبير الحلويات الشيف الأول: شعبان أبو العز, من امهر شيفات زاكي, يخبرنا طريقة إعداد جاتوه بالشكولاتة.
المقادير:
1 كوب حليب سائل
1 كوب سكر
1 كوب زيت ذرة
2 كوب دقيق
ملعقة كبيرة بيكنج بودر
5 بيضات
الطريقة:
– اول حاجة حنخلط السكر والحليب والكاكاو والزيت مع بعض, ونضربهم كويس بمضرب البيض او اى آله خفق لحد ما يذوب السكر كويس بعد مايصبح خليط متجانس ناخد منة مقدار كوباية للتجميل هذا هو تزويق التورتة منها و فيها.
– باقى الخليط نضيف علية البيض ونخلطة كويس وبعد كدة نضيف الدقيق والبيكنج بودر ونخلطة ببطء لحد ما يتجانس وهنا تكون الكيكة جاهزة, ونحطها فى الثلاجة.
– نجيب صنية مقاس 28, وندهنها كويس بالسمنة او الزيت ونصب فيها الخليط بنسخن الفرن من 10 الى 15 دقيقة, فالاحسن تولعى الفرن اول ما تبتدى تعملى فى الكيكة, داخليها الفرن وسويها على درجة 180,لحد ماتستوى.
– وبعد ما تبرد شوية اقلبيها وطالعيها من الصنية نقطع اطراف الكيكة, نفرد عليها الخليط اللى فى الكوباية اللى شيلناها, ( بس حنخلى ربع الكوباية ونستخدم الباقى), ونغطى بيها كل الكيكة.
– طبعا مش حنرمى اى فتفوتة من الكيكة, عشان كدة حنجيب الاطراف اللى قطعناها, ونفتفتها فى طبق ونحط عليها باقى الخليط اللى فى الكوباية, ونعجنهم مع بعض كويس لحد ما يكونوا عجينة سهلة التشكيل, وبعد كدة نشكلها على شكل كور وبعد كدة نجيب شيكولاتة فارمسيلا وندحرجها فيها ممكن تستخدموا جوز الهند او مكسرات او فول سودانى, اى شئ تحبوا تغطوا بية الكور, وصحتين وألف عافية.
نسعد بمتابعتكم لنا على جروب زاكي لفن الطهي:
طريقة عمل الجاتوه الاسفنجى