ستيك بالخضروات على طريقتي..🌹🍃
ستيك بالخضروات على طريقتي..🌹🍃
المقادير
- شرائح ستيك على حسب عدد الأشخاص والرغبه انا حطيت خمس شرائح…🤗
- فليفله حلوه احمر واخضر وأصفر…🌶🍄
- فطر علبه او فطر طازج انا بفضل الطازج ازكى بالأكل طعمه كتير لذيذ. 🍄🍄
- بصله كبيره مقطعه جوانح…🍋
- ٣ملاعق حليب بودره
- ملعقتين لبن رايب
- ملعقة طحين
- نص كوب ماء
- ملح
- فلفل اسود+ قرفه+ زنجبيل +مكعب ماجي .. كلهم حسب الرغبه والذوق…😋
- ملعقتين كبار زيت زيتون
- ملعقتين كبار خل تفاح او خل ابيض عادي
الخطوات
نتبل اللحمه وننقعها بالخل والملح والفلفل الاسود والقرفه والزنجبيل وملعقتين زيت زيتون
نتركهم اربع ساعات او اقل مافي مشكله المهم نتركه فتره …
نقطع البصل شرائح ونضعها مقلاه بملعقتين كبار زيت زيتون وندبل البصل..
نقطع الفطر قطع صغيره شرائح
نضع الفطر على البصل ونحركه الى ان يدبل
نقطع الفلفل الحلو الالوان الى شرائح رفيعه ونضعها فوق البصل والفطر ونحركها الى يدبل ويستوي الخضار بس هو اجمالا ما بياخد وقت كتير ..
نحط عليه بعد ما يستوي مكعب ماجي ونحرك مع شوية ملح وشوية فلفل اسود
بصحن غميق نحط الحليب الباودر واللبن والطحين ونحرك جيدا مع نص كوب ماء
نديره على الخضار ونحرك الى ان يتسبك ويثخن قليلا يصبح شوي جامد نطفي النار …
نقلي اللحمه بقليل من الزيت بمقلاه على نار حاميه اول بعدين نخفف النار لما تستوي اللحمه ..
تقريبا بتاخد وقت قليل ربع ساعه عنار هاديه
بس تستوي نحطها بالصحن وجمبها الخضار ونحط على وجه اللحمه والخضار جبنه موزيريلا…
وصحتين وهنا …🌹🍃
ان شاءالله تكون عجبتكم طريقتي…❤
