فطائر مشكلة ملكة المعجنات
فطائر مشكلة ملكة المعجنات
المقادير
- لفطيرة النوتيلا😍 بيضة + ملعقتين كبار سكر + باكيت فانيليا + ربع كوب زبدة + نصف كوب حليب دافئ + ملعقة كبيرة خميرة فورية + رشة ملح وحوالي 2 او 3 كوب طحين لتتشكل عنا عجينة طرية وانا ضفت ملعقة قشطة لنكهة الذ (اختياري)
- لعجينة هشة وقطنية عالأخيييييير😁 (ﻷي نوع معجنات بتحبوه) كوب حليب + كوب زيت + كوب ماء + بياض بيضتين + ملعقتين كبااار سكر + ملعقة ونص كبار خميرة فورية + ملعقة صغيرة ملح + طحين حوالي 4 كوب او اقل او اكثر حسب الطحين لتتشكل عنا عجينة تلزق شوي
- واذا مابتحبو عجينة البيتزا تكون هشة كتير في هالعجينة😄 : 4 كوب طحين + ربع كوب زيت + نصف ملعقة صغيرة ملح + ملعقتين كبيرة لبن + ملعقة كبيرة حليب بودرة + ملعقة كبيرة سكر + ملعقة كبيرة خميرة فورية + ماء دافىء للعجن + ملعقة صغيرة من الخل
- للصفيحة: كيلو طحين + معلقة كبيرة خميرة + معلقة كبيرة سكر + 3 ملاعق كبيرة لبن + رشة ملح + 3 ملاعق كبيرة زيت زيتون + ماء للعجن
- لدهن سطح العجينة (صفار بيض مع ملعقتين كبيرة حليب وملعقة خل ورشة قهوة) واذا لفطيرة النوتيلا نزيد عليهم رشة فانيليا🌹
- لحشوة الصفيحة كيلو لحمة مفرومة ناعمة + 3 حبات بصل + 3حبات بندورة + حبة فليفلة خضرا + 4 فصوص ثوم + معلقتين كبار دبس رمان + معلقتين كبار زيت زيتون +رشة بابريكا ورشة قرفة وهيل وملح وفلفل أسود حسب الرغبة
الخطوات
اي عجينة من هدول منحط السائل الدافي سواء حليب او مي ومندوب الخميرة فيه ومنضيف باقي المكونات ومنعجن والطحين حسب الحاجة لتتشكل عنا العجينة
اهم شي وقت العجن يكون منيح ليصير عنا عجينة متماسكة وطرية وملساء كتير🍞 منترك العجينة لحتى ترتاح وتتخمر وتصير جاهزة للاستخدام🌹
بالنسبة لحشوة الصفيحة منضرب كل شي على محضرة الطعام ليصير عنا خليط ناعم نقدر نفردو على عجينة الصفيحة بعد مانرقها ومنخبزها من تحت على صاجة وبعدا منحطا تحت الشواية شوي بالفرن واذا مو متوفر صاجة شووها بالفرن
ولحشوة فطيرة الجاج منقلي بصلة ناعمة مع سنين توم بشوية زبدة ومنضيف عليهم صدر دجاج مقطع قطع صغيرة وبهارات وممكن نضيف درة او فطر او فليفلة ملونة او برش جزر او شو مابتحبو وممكن نضيف عليه صلصات متل كتشب او مايونيز او خردل يعني الخيارات كتيرة وبترجع حسب الأذواق
وصحتين وعوافي 😙
