ملكة المعجنات شجعوني … بيتزا ببروني وفطاير مسخن وسبانخ وخلية جبنة بيضا

المقادير

• مقادير العجينة
• كل خمس كاسات طحين ابيض بدهم كاسة طحين قمح “اسمر ” +بيضه + معلقة لبن + معلقة صغيرة خل + معلقتين كبار زيت ذرة + رشة ملح + معلقة سكر + نومه بودرة وبصل بودرة كنكهخ(معلقة ونص خميرة + معلقة بيكنج باودر + معلقة صغيرة سكر) بتبسي مكونات العجينه بعدين بتحطي عالخميرة والبيكنج باودر والسكر مي فاترة بس تفور بديريها عالعجينة وبتعجنيها ب مي حسب الحاجه واخر شي بتعجنيها بزيت زيتون وبتغطيها ل تخمر بحدود ساعه الا ربع .

الخطوات

بالنسبة ل بيتزا الببروني ( السلامي ) بتفردي العجينة بالصينية بتكونب عامله ع الغاز صوص جبنة الي هو كاستين حليب سائل مع معلقة ونص طحين ومعلقة زيت ذرة وملح بتغليه عالغاز بس يبدا يغلى بتحطي كاسة جبنة موزريلا بيضا مبروشه+ كاسة جبنة تشدرمبروشه لحتى يذوبوا منيح بتطفي عليها وبتستنيها ل تبرد بتدهني العجينة منها بعدها بتغطي العجينة كامل ب جبنة موزريلا وبتحطي فوقها قطع السلامي وبالفرن المحمى على ١٨٠ درجة بس تستوي العجينه بتحمريها من فوق حسب الرغبه

أما بالنسبة السبانخ خلطة السبانخ الي هي سبانخ وسماق وليمون وملح بتحطيها بالعجينه ع هاد الشكل التقليدي المتعارف عليه وبتخبزيها

أما بالنسبة ل فطائر المسخن عبارة عن دجاج مسحب شرائح متبل ب لبن وبهارات دجاج وتومه وبصل وبابريكا من قبل بيوم بتطبخيه عالغاز مع بهارات كاري وزيت زيتون وشرائح بصل بعدها بترشي عليه سماق وبتبليه معاه حبيت اعمله بعاد شكل الكرات …

خلية الجبنة البيضاء. حبيت اعملها ع شكل خلية نحل جبت صواني التشيز كيك

خشيتهم ب تتبيلة الجبنة البيضاء الي هي جبنة بيضا مبروشة مع نعنع ناشف ورشة تومه وبصل بودرة ك نكهه بتعملي كرات صغيره وبتلزقيها جنب بعض وبالفرن

هلا وجه العجينة قبل ما تحطيها بالفرن بدهنها بمعلقتين حليب سائل ورشة فانيلا ورشة نسكافي بعطيها لون كتيير حلو