مقادير العجينه:
250غ زبدة مرجرين ذايبة وباردة
500غ طحين
بيضة صغيرة واذا كانت كبيرة نعمل نصفها
رشة ملح
فانيلا
كمية قليلة من ماء الزهر نلم بها العجينة
الحشو:
– رطل لوز متوسط كما نتاع البقلاوة ممكن نعوضه بالكاكاو هنا اللوز اوالكاكاو ندخلهم للفرن سخون يتحمصه غير شوية لازم يبقى لونهم ابيض.
– 2 ملعقة كبيرة سمسم محمصة
– نص كاس سكر
– كمية قليلة من ماء الزهر
التعسيل:
رطل عسل
قطر
ماء الزهر
الطريقة:
– نحط الطحين ونفرغ عليها كمية الزبدة لي ذوبناها وخليناها تبرد نضيف رشة ملح والفانيلا نبسس الطحين جيدا بالزبدة, ونجمعها بالبيضة وكمية قليلة من ماء الزهر نلمها بلا مانعجنها.
– نقسمها الى قسميين متساويين ونغطيها ونخليها ترتاح.
– في هذا الوقت نحضر الحشو نخلط اللوز مع السكر والفانيلا والسمسم نضيف ماء الزهر بالملعقة ونخلط لازم الخليط يكون مرمل مايكونش جاري هكذا.
– بواسطة مرق العجين نبسط الكويرة الاولى فوق ورق الزبدة او كيس بلاستيكي هكذا تكون رقيقة شوية, ناخذ صحن دائري ومن الاحسن نعمل على بلاطة رخام انا استعملت بلاط 28في 24سم.
– ونحط الطبقة الاولى ونعدلها جيدا, نحط الحشو ونسوي السطح.
– نبسط الكويرة الثانية ونحطها فوق الحشو دائما نستعين بورق الزبدة او البلاستيك الغذائي, نقطع الزوائد ونضعط على الاطراف.
– نقطع الحلوى الى مستطيلات 3على 7سم ولي تحب مربعات ممكن لكن مستطيلات تجي احلى, هنا نستعمل سكين يكون رقيق لكي الحشو مايخرجش.
– بواسطة النقاش ننقشه كل حبة على حدى, بالنسبة للنقاش كاين عدة انواع انا كل مرة نستعمل نوع, هنا استعملت العادي
وهنا استخدمت نقاش على شكل حرف S.
– نغطي الحلوى ونخليها ترتاح عدة ساعات وممكن ليلة كاملة حتى تحافظ على شكلها.
– من بعد نطيبها في فرن 180د لمدة 40د لازم نراقبها في الفرن مالازمش تتحمر لان اذا تحمرت الحشو يبس لذلك ننصحكم ماتغفلوش عليها.
– بعد خروجها من الفرن نعسلها بالعسل لي نكون ضفتلو شوية من ماء الزهر ونزينها بكمية من السمسم ومن الاحسن مانقطعهاش نخليها تبات وتتشرب العسل.
– بعدها نقطعها ونقدمها هنا صورتها من البلاط اذا تلاحظو هي استوي بزيادة من فوق شوفو الحشو راح يتغير لونه لذلك ننصحكم راقبوها وماتغفلوش عليها اثناء الطهي.
نسعد بمتابعتكم لنا على جروب زاكي لفن الطهي:
بقلاوه اللوز