سلسلة نور للأكلات السهلة والسريعة

المقادير

• كيلو فاصوليا خضرا
• نصف كيلو بندورة
• زيت زيتون او زيت نباتي او خليط (بالنسبة الي بستخدم زيت الزيتون او خليط)
• توم
• كزبرة خضرا ولو مافي كزبرة يابسة مطحونة

الخطوات

بسم الله الرحمن الرحيم

منقطع الفاصوليا ومنغسلها منيح ومنحط شوية زيت عالغاز ومنضيف الفاصوليا عليهم ومنقلبها بالزيت شوي ومنحط كاسة مي صغيرة وملعقة ملح صغيرة ومنغطيها ومنوطي النار تحتها لتصير نص استواء تقريبا منضيف البندورة المفرومة ورشة فلفل اسود ورشة فليفلة حمرا (اختياري) ومنغطيها لتقرب تستوي منضيف التوم المدقوق او المشرح ومندوب ملعقة دبس بندورة بشوية مي ومنضيفا واذا حبينا نزيد ملح ومنضيف الكزبرة وشوية زيت زيتون مرة تانية ومنرجع نغطيها شوي وصحتين وعوافي

((ملاحظة صغنوتة،، قبل مانضيف التوم والكزبرة منقدر هية وعالغاز عم تغلي نعبيها بقطرميز ونمليه تماماً بدون مانترك اي فراغات “انا تاركة شوية فراغ لاني عبيتو لورجيكم كيف بس مارح خليه بالقطرميز اكيد رح اكلو ومايلحق يتمون اي ومنسكرو بطريقة محكمة لحتى مايدخلو اي هوا ومنتركو ليبرد بحرارة المطبخ وبعدا منحطو بالبراد وبهالطريقة بضل كم شهر بالبراد بدون مايتأثر أبدا وبكون شبه جاهز للاكل وقت تحبو تطالعوه بتضيفو عليه التوم والكزبرة وزيت الزيتون وبتسخنوه شوي وبس”

مناسب اذا حبيتو تعملو هيك شي لرمضان

وانتظروني بالوصفة المقبلة