طبقات البرغل المحشي بالبيذنجان رووعه جربوها وادعولي

المقادير

• كيلو برغل ناعم منقوع لمده ساعه بمي دافيه
• حبتين كبار بيذنجان مفرومين ناعم
• راسين بصل كبار مفرومين ناعم
• كاسه كبيره حمص حب مسلوق
• معلقتين كبار ماجي
• ملح
• فلفل اسمر
• كمون معلقه صغيره
• بهارات الاكل
• ربع كاسه زيت قلي
• ربع كاسه زيت زيتون

الخطوات

اول اشي بنصفي البرغل من المي منيح وبنضيف عليه ربع كاسه زيت زيتون ومعلقه ماجي كبيره ورشه ملح وبنخلطو منيح وبنتركو عجنب

تاني شي

بنحوس البصله بربع الكاسه بزيت القلي لما تذبل بنضيف البيذنجان وبنحوسو معها ربع ساعه تقريبا مع التقليب من وقت لآخر بنضيف التوابل ورشه ملح ومعلقه ماجى وكاسه الحمص وبنقلبهن لما يستوو

هسه بنيجي للخطوه الثاله الي هيه بنحضر الصينيه الي بدنا ندخلها الفرن وبندهنها زيت بنقسم البرغل قسمين وبنصف اول قسم بقاع الصينيه او صحن الفايركس وبصفهاوبنمسها منيح بالمعلقه وبنضيف طبقه البيذنجان ونفس الشي بنمسحا بالمعلقه وبضيف الطبقه الثالثه من البرغل وبنمسح وجها بالزيت وبنفوتها على الفرن لمده نص ساعه تقريباا وبنحمر وجها وبنزينها وبنقدمها سخنه او بارده مع السلطات و لبن الزبادي والف صحه وهناا عقلوبكم

يا رب تعجبكم جميعاا

صديقتكم رشا ام احمد

لاتنسوني بتعليقاتكم الحلوه وتضيفو وصفاتي للمفضله