مقادير الطبقه الاولي:
باكتين بسكوت مطحون مع
رشه قرفه
ومعلقه قشطه
واصبع زبده سايحه
وينخلطوا مع بعض ويثبت بالقاع الصينيه
مقاديرالطبقه التانيه:
ثلاث علب زبادي
١٢معلقه لبن بودره كبار
ظرف دريم ويب
٦حبات كيري
نص كاسه سكر
بنخلط كل المقادير كويس وبعدين بنصبهم علي الطبقه الاولي وندخلها الفرن سخن جدا لمده عشر دقايق وتطفي وتشغلي الشوايه خمسه بس نحافظ علي لونها الابيض ونسيبها تبرد في الفرن بعد مانطفيه ونجهز الطبقه الثالثه.
الطبقه الثالثه:
علبه عصير رمان طبيعي تحطي عليها معلقتين نشا ولو عايزه الطبقه اتقل واغمق في اللون زي بتاعتي بتحطي بودره عصير رمان ولما تتقل وتتكاثف بس تكون سايله شويه نصبها فوق الخليط ونزينها بحبات الرمان ولو العصير مفهوش سكر بنضيف حسب الرغبه واخيرا بندخلها التلاجه ثلاث ساعات تبرد وتقدم وبالف هنا.
نسعد بمتابعتكم لنا على جروب زاكي لفن الطهي:
تشيز كيك الرمان