طريقة عمل فطيرة الدجاج او العجينه بالفاهيتا طعم ولا اروع

المقادير

• للعجينه:
• 4 كاسات طحين
• 2 معلقه صغيره خميره
• نصف معلقه صغيره باكينج باودر
• كوب ماء دافئ
• 3 معالق كبار لبن
• 4 معالق زيت
• معلقه صغيره ملح
• معلقه صغيره سكر
• للفاهيتا:
• دجاج مسحب او صدور دجاج
• فليفله الوان جوانح
• بصل جوانج
• بابريكا
• بهار فاهيتا
• كاري
• 1 معلقه كبيره صويا صوص
• 1 سن ثوم مهروس
• ملح حسب الرغبه
• فلفل اسمر
• رشه كبيره ماجي كنور
• فطر(مشروم)
• ذره وزيتون حلقات حسب الرغبه

الخطوات

للعجينه :

نضع النواشف مع بعضها ومنحركها بعديها نضع السوائل ومنعجن منيح ومنغلفها بكيس ومنلفه بحرام ساعه ع الاقل لحتى تختمر

الفاهيتا:

نشوح البصل والثوم والفليفله ومنضيف الدجاج والملح والماجي والفطر والبابريكا والكاري والفلفل الأسود والصويا صوص و البهار ومنقلب لحتى يستوي ونحس إنه الدجاج تحمر واخد لون خفيف ونحس إنه البصل والفليفله ذبلو

منقسم العجينه نصفين ومنرق العجينه الاولى ومندهنها بصلصة البندوره ومنحط الفاهيتا ومنبعد عن الأطراف عشان تمسك العجينه

ومنحط ع الوجه جبنة موزوريلا او جبنة شيدر

ومنوخد النصف التاني من العجينه ومنفرده فوق الدجاج و منسكر أطرافه وازا بتحبي بتقدري تدهني وجه الفطيره بصفار بيضه مع معلقه حليب ومنرش عليه حبة البركه والسمسم

مندخلها الفرن من تحت ثم نحمر وجه الفطيره

وصحتين والف عافيه على قلبكم

معكم صديقتكم على زاكي رؤى الديري