مكمورة بشكل جديد بجد رااائعة جدا
مكمورة بشكل جديد بجد رااائعة جدا
المقادير
- دجاجة مقطعة منضفة و مغسولة
- للتتبيلة تعت الدجاج بنحتاج
- كوب صغير لبن عادي
- ملعقة طعام صلصة طماطم
- خل ابيض 4 ملعقة
- توابل دجاج ورق غار و توابل مندي
- ملح وفلفل اسود
- رشة هيل مطحون وزنجبيل مطحون
- بهار وفلفل شطة قرون اختياري
- مقدار 3 كوب رز مغسول جيدا
- سمنة
- خضار مشكلة عبارة عن ذرة و بازيلاء
- و بطاطس وجزر مقشرين ومقطعة مكعبات
- 2بصلة كبيرة مقطعة دوائر
- 2 حبة بندورة كبيرة مقطعة دوائر
- فليفلة ملونة مقطعة دوائر
الخطوات
اول شي
التتبيلة تعت الدجاج بنحط الدجاج في وعاء عميق وبنتبله باللبن والصلصة والخل والفلفل والملح و التوابل الخاصة بالدجاج والمندي وشوية هيل مطحون و رشة زنجبيل بنتبل الدجاجة كويس و بنخليها ساعة على الاقل في الثلاجة
الخضار بازيلاء والذرة والجزر والبطاطس المقطعة بقلبهم 10 دقائق على النار مع شوية سمنة ورشة ملح ورشة بهار
تاني شي
الرز بحط شوية سمنة وبقلب الرز ببهار وشوية ملح وفلفل اسود وبعدين بضيف الماء وبطبخه نص استواء لحد ما يتشرب الرز الماء شوية يعني تقريبا 10 دقائق على النار وبشيلو
بجيب طنجرة بدهنها بشوية زيت ذرة وبعدين بغلفها بورق الالمنيوم على شكل + المهم يكون الالمنيوم بزيادة لبرة عشان راح نغلفها
بعدين ببدا اصف الدجاج في الطنجرة على جهة الجلد و حطيت قرنين فلفل شطة طبعا اختياري وبعدها بجيب شرائح البصل وبرتبها فوق الدجاج بشكل دائري بعدها طبقة البندورة الشرائح بوزعها و بعدين الفليفلة وبرش عليهم شوية ملح بعدين بضيف طبقة الخضار اللي قلبناهم مع السمنة البازيلاء والذرة والجزر والبطاطس واخر طبقة الرز اللي مبهر لازم بكون نص استواء وبضيفو فوق الخضار اخر طبقة وبغلفها بالالمنيوم منيح وبغطيها وبحطها على نار متوسطة 10 دقائق وبعدين بخفف النار شوية صغيرة يعني تكون لا خفيفة ولا وسط وبتركها تقريبا ساعة و10 دقائق وبطفي النار عنها
وبصينية التقديم بقلبها وبرش عليها اللوز والزبيب مقلبين بشوية سمنة والف صحة وهنا ان شاء الله تنال اعجابكم بصراحة خطيرة كتير لزيزة جربوها راح تدعولي انا اخدتها من حماتي الله يعطيها الصحة