كيكة قدرة قادر مضبوطه بالصور, اطيب واسهل وافضل طريقه لعمل كيكه الكريم كراميل أو قدره قادر وبدون تعب تابعي الطريقه مع المبدعه Um Hana.
المقادير:
باكيتين كريم كراميل
كاسة سكر
كاسة زيت
3بيضات
درة ملح
ملعقة صغيرة فانيلا
3/4 كاسة حليب سائل
2 ملعقة صغيرة بكينج باودر
وكاستين طحين
ومعلقتين كبار كاكاو
الطريقه:
– باكيتين كريم كراميل جاهزة انا عملتن عالنار بنفس الطريقة اللي مكتوبة على العلبة وممكن تضيفي بكيت ثالث اذا القالب عندك كبير.
– طبعا بالبداية بتحطي السكر المحروق اللي بيجي مع الكراميل بالقالب وبتضيفي عليه الكراميل بعد ماتغليه عالنار وبتتركيه يبرد تمام ويتماسك.
– بتجهزي خليط الكيك, بتحطي السوائل مع بعض وبتخفقيهن منيح بعدين بتضيفي الطحين بعد ماتنخليه وبتصبي خليك الكيك فوق الكراميل اللي برد وتماسك.
– بتسخني الفرن عحرارة 180 وبتحطي قالب الكيك بصينية فيها حمام مائي وبتحطيا بالفرن بالرف الأوسط على حرارة 180لمدة 50دقيقة او ساعه حسب حرارة الفرن انت اختربيا بعود أسنان.
– بس تطلع من الفرن بتتركيها ترتاح وتبرد تمام وبتحطيا بالبراد لتاني يوم, بتحطي بحمام مائي دافي لمدة ثواني وبتمشي السكينه من عالأطراف لتتأكدي انو الكيك مو لازق بالقالب وبتقلبيا, وصحتين وألف عافية.
نسعد بمتابعتكم لنا على جروب زاكي لفن الطهي:
كيكة قدرة قادر مضبوطه بالصور