المقادير:
٦ حبات بيض
معلقه كبيره فانيلا
معلقه كبيره عصير ليمون
معلقه خل ابيض
كوبين سكر
كوبين ونص طحين
معلقه ونصف بيكنج باودر كبيره
تلات ارباع كاسه كاكاو مر بودرة
كاسه نحط فيها تلات ملاعق كبيره بودره حليب وملعقتين لبن (زبادي باللهجة المصرية) ونخلطهم بماء ليكمل الكاسه
كوب زيت مازولا
الطريقة:
– ٦بيض نخفقهم منيح مع معلقه كبيره فانيلا, ومعلقه كبيره عصير ليمون, ومعلقه خل ابيض.
– وبعدين بنضيف كوبين سكر ونخفق عشر دقائق.
– ثم نضيف كوبين ونص طحين منخولين مع معلقه ونص بيكنج باودر كبيره وتلات ارباع كاسه كاكاو مر ونحرك المزيج جيداً.
– بعدين كاسه نحط فيها تلات ملاعق كبيره بودره حليب وملعقتين لبن ونخلطهم بماء ليكمل الكاسه واخر شي كوب زيت مازولا ونخلطهم شوي ونطفي المولينكس ونحرك شوي بالسباتيول.
– ونخبزها بقالب التشيز كيك مدهون سمنه وطحين, بنكون محميين الفرن ونخبزها على نار هادئه لمده ساعه تقريبا.
*******************************************
الحشوة:
خليط الكريمه:
باكيت كريمه اربع ظروف فيه
علبه قشطه
قطعتين جبن كيري
ظرف كريم كراميل البودره
اربع ملاعق حليب كبيره
كوب ماء
رشه فانيلا
ملعقتين سكر كبيره
في حال بدكم تحولوها لبوظه فقط ضيفوا عليها ملعقه صغيره سحلب+ ونص كوب سكر ووممكن شويه حليب سائل اذا احتاجت. او اشترو بوظه فانيلا جاهزه تؤدي نفس الغرض.
خليط التوفي للتزيين:
تذوبي كوب سكر على النار لحتى يصير ذهبي اللون بتشيليه عن النار وبتحطي ملعقه زبده كبيره وبتحركي بسرعه وتحطي علبه قشطه وحركي بسرعه ورجعيه على النار وضلي حركيهم لحد ماتروح كل التكتلات و تذوب.
– للتزيين/
* بنحتاج نيوتيلا بنحطها بكيس وكيس بنحط فيه زبده الفول السوداني وكيس بنحط فيه توفي بعد مايبرد شوي.
* نحتاج فستق عبيد مايكون مملح واذا كان ني بتحمصيه شوي عالنار بمقلاه تيفال.
* نحتاج سنيكرز شي خمس حبات وهاد الشي اختياري اذا كنتو رح تعملوها كيكه بكريمه فبتحتاجو اما اذا كانت بوظه مابتحتاجو للسنيكرز لانو كتير بيقسى بالتلاجه.
* هلا بنقسم الكيك بالنص وبشرط أن يكون الكيك بارد تماماً طبعا بتفتحو القالب بتقصو الكيك وبترجعو تسكرو القالب.
* بنحط فوق اول طبقه خطوط من النيوتيلا او اي صوص شوكولا وخطوط من التوفي وخطوط من زبده الفول ونحط طبقه من الفستق العبيده.
* بعدين نحط على اطراف القالب سنيكرز مقطعتو بشكل طولي, لاتنسو اذا رح اتحطوها بالفريزر لاتحطو سنيكرز.
* بعدين فوقها خليط الكريمه او البوظه ونحطها بالبراد او التلاجه.
* بنرجع بنطلعا ونكرر عمليه الخطوط والفستق السوداني ونحط النص الثاني من الكيك وبالاخر انزينها كمان بخطوط من التوفي والنيوتيلا وزبده الفول وقطع سنيكرز.
نسعد بمتابعتكم لنا على جروب زاكي لفن الطهي:
كيكة السنكرس المحشيه