طريقة عمل كيكة الشوكولاته
طريقة عمل كيكة الشوكولاته
المقادير
- أربع بيضات بحرارة الغرفة
- كوب كبير سكر وممكن اكتر او اقل حسب الرغبة
- باكيت فانيليا
- ملعقتين خل
- كوب كبير حليب
- ثلاث أرباع كوب كبير زيت نباتي
- ظرف بيكينغ باودر
- 3 ملاعق كبيرة نشا
- ربع كوب كاكاو او حسب قوة الكاكاو
- كوب ونصف كبير طحين
- نص ملعقة صغيرة بيكربونات الصوديوم
- رشة ملح
- ممكن لنكهة مميزة واختيارية تضيفو حبوب الشوكولا او شوية قشطة او ملعقتين زبدة بندق او بودرة الشوكولاتة وهالشي بيرجعلكم طبعا
الخطوات
بسم الله الرحمن الرحيم
منحط البيض مع الفانيليا والسكر والخل ومنشغل الخفاقة تخفقهن منيح ليتضاعف حجم المزيج ويصير لونو فاتح متل مو واضح بالصورة ومنضيف بعدها الحليب والزيت ورشة الملح
مننخل المواد الجافة كلها مرة او مرتين حسب الهمة ومنضيف المواد الجافة على دفعات ومنخفق عالبطييييء ليمتزج الخليط كلو منيح ومنصبو على صينية مدهونة ومرشوشة بالطحين وعلى فرن محمى مسبقاً
بعد حوالي 35 دقيقة منختبرو بعود خشب بس قبل هيك ما تفتحو عليه لحتى ما ينكسر خاطرو وينطعج لتحت
وصحة والف هنا حبايبي
((بيكربونات الصوديوم والخل والنشا بيفرقو الكيك كتير وبحسنو من جودتو))
وملاحظة صغنوتة كمان لحتى ماتنطو تقولولي شو هاد اللي عالخليط مو منخول
هي بودرة شوكولا مو كاكاو وبتدوب بسهولة
بس عادي يعني اذا حبيتو تنطو مية اهلا وسهلا ومرحبا خدو راحتكن البيت بيتكن تشكلو آسي
