طريقة المسخن الفلسطيني ملكة تحضيرات رمضان

المقادير

• الكثير من البصل 2 كيلو دجاج طازج  سماق خبز عربي زيت زيتون لوز مقطع او اي مكسرات متوفره عندك

الخطوات

طريقة تحضير العجين والخبز العربي

في وعاء نضع كيلو طحين أبيض وشوية قدر كاسه طحين قمح ومعلقة ملح ومعلقة خميره يعجن بماء فاتر ويكون لين بعد ربع ساعه بتغسلي اديكي بمي وبتردي تعملي العجين اسمها ترديدت العجين بحيث انو يتملس وبتغطي وبتخلي يتخمر مدة ساعه بعدا بتقطعي وبتستخدمي الطين لمنع التصاق العجين بالايدين وبتفردي شوي بالصدر بعدا ع ايديك يمين شمال حتى يصير رغيف وبتخبزي ع نار حاميه من تحت بعدا بتحمري الوجه وبس يبرد الخبز بفرشايه بتفرشي الرغف من بواقي الطحين

طريقة تحضير صنية المسخن

تفرمي البصل شرحات رفيعه بعدا بتحطي بصنيه مع كوب زيت زيتون وبتقلبي ع الغاز لحد ما يتذبل بعدا بضيفي الدجاج وبتقلبي بترشي ملح وسماق وبتقلبي منيح منيح بعدا بضيفيلها ماء ساخن وبتكثري ماء لانو  منشان يصير صوص ونسقي الخبز في وبتغطيها بسلفر وبدخليها الفرن مدة ساعه كامله بعدا بتكشفي عنها وبتحمري الوجه.

طريقة تحضير خبز المسخن

طبعا لخبز طازه وطري وصنية دجاج بتكون جاهزه، وبتحضري قلايه بصل مفروم مربعات صغيره ومذبلتي ع الغاز مع زيت زيتون،هسه بسكين بتحززي الخبز منشان يتشرب وبتاخدي صوص او مرق عن صنية الدجاج،هسه بتعملي رغيف رغيف بتسقي مرق وبعدا بترشي عليه بصل من المذبل وبترشي عليه سماق وهيك بتعملي خبز المسخن بعدا بتحمري وجهو بلفرن وبتزيني بلمكسرات والبقدونس والعب يلا بشهو

ملاحظه:

مو شرط تعملي بصل مذبل غير الي بصينيه انا احيانا بحط البصل الي بصنيه ع وجه الخبز وبرشلو سماق وبحمرو، بس طعم البصل مع صنيه دجاج رهيب ولهيك بنعملو صنيه وبنعمل خبز مسقى مرق من نفس الصنيه وكل واحد بعمل متل ما بحب بس هيك بكون أخف زيت زيتون وطعم ازكا والي بحب ياكل خبز مسخن بياكل والي ما بحب بياكلو خبز عربي مع صنية مسخن وصحتين والف عافيه كلو زاااااكي ونعمة كريم الله يديمها ع الجميع يااااارب

ملاحظه:

المسخن ما بنحطلو بهارات فقط ملح وسماق من اجل محافظه ع نكهتو العربيه

ماتنسو ضيفو وصفتي ع المفضله بالضغط ع القلب آسفل يسار الشاشه

جلكسي والدنياعكسي

مع آني ما باكل بصل منوووووب بعمل رغيف الي من دون بصل بس طعمتو دماااااار والكل بحكيلي عزميني ع مسخن من زكاوتو والله

والله تعبت وانا آكتبلكن بالوصفه وحمل صور لهيك حطوها بلمفضله كرمالي فضلا وليس امرا وانتظروني بمزيد من الوصفات للمسابقه رمضان مبارك علينا وعليكم وع الآمه الإسلاميه ياااااارب

حبكم آنا