كيكة الشوكولاتة اللذيذة بشهادة الغوالي

المقادير

• 2كوب طحين منخول
• كوب سكر
• كوب حليب
• نص كوب زيت
• 3ملاعق كبيرة كاكاو
• باكيت فانيلا
• باكيت B.B
• 3بيضات
• برش حبة برتقال
• لتشريب طبقات الكيك بنحتاج: كاسه ماء +نص كاسه سكر+ملعقه صغيرةنسكافيه(قهوة سريعه الذوبان)بنحركهم وبنتركهم يغلو ٥د عالنار .
• كريمة جاهزة للحشو والتزيين

الخطوات

١ بخفق البيض والسكر والفانيلا وبرش البرتقال كتيير منيح حتى يتضاعف حجمهم

٢ بضيف الزيت مع استمرار الخفق

٣ ثم الحليب وخليط (الطحين والكاكاو ورشه ملح والB.B) بالتدريج حتى انتهاء الكمية.

٤ وعالفرن المحمى سابقا على ١٨٠ درجه مدة ٣٠دقيقه.

***تترك الكيكه لتبرد تماما حتى يسهل تقطيعها .

نقطع الكيكه ٣طبقات ونشرب اول طبقه ثم نضع كميه من الكريمة ثم الطبقه التانيه نشربها وعليها طبقه كريمة والطبقه التالته نفس الشي ونغطي الكيكه بالكريمه المتبقية ونزينها بالشوكولاته المذابه على حمام مائي.

***توضع في الثلاجه لوقت التقديم.

وهيك بتكون جهزت أطيب كيكة جربوها ما رح تندمو

وصحتين وعوااااافي