أسهل حلو بارد ملكه تحضيرات الرمضانيه

المقادير و الخطوات

الطبقة الثانيه

بتصفي بسكوت من دون تغميس بالحليب بعدا بطنجره ع الغاز بتحطي كوبين حليب سائل ومعلقتين كاكاو خام ومعلقتين نوتيلا ومعلقتين سكر وبس يغلو بضيفي معلقتين نشا مذوبين مع فنجاء ماء وبضفيهن ليتكاثف الخليط وبضفيهن فوق البسكوت.

الطبقة الثالثه

بتصفي بسكوت فوق الكاكاو وبطنجره ع الغاز بتحطي كوب حليب سائل ومعلقة سكر كبيره ومعلقة نشا مذوبيه بمي وبس يتكاثفو بضيفي علبة قشطه وبتحركيهن وبضفيهن فوق البسكوت وبتزينها ع زوئك انا عملت خطوط نوتيلا واحيانا برش ع وجها شوكولاته فلاك او اهني وجها قشطه وحطي خطوط نوتيلا واعملي اخطوط او رشي جوز هند او اعملي الي متوفر عندك كلو بمشي حالو نعمه

وحلا الجلي

سهله طبقه بسكوت وطبقه حليب وطبقه بسكوت بعدا بتقطعي الفروله وبتعملي بكيت جلي وبصفيلو الفروله المقطعه وبتصبيهن فوق البسكوت

يعني فيكي تشكلي ع زوئك بالطبقات ونزلت وصفة الدجاج المشوي كرمال الستات الي طلبوها

وما تنسو ضيفوها ع المفضله تعمليها لعيلتك برمضان اضغطو ع القلب آسفل يسار الشاشه

صديقتكم هزوره

جلكسي والدنيا عكسي

وانشالله شهر خير وبركه علينا وعليكم وع الآمه الإسلاميه جميعها

حبكم أنا