طريقة الكبسة ملكة تحضيرات رمضان
طريقة الكبسة ملكة تحضيرات رمضان
المقادير
- أرز بسمتي
- دجاج طازج
- بهارات الكبسه
- حبتين بندوره
- حبتين فليفله خضرا
- جزرتان
- بصله للدجاج
- معلقة صلصة بندوره
الخطوات
يتم تشويح بصله مع الزيت وتقليب الدجاج واضافات البهارات الصحيحه(لومي ،حب هيل، عود قرفه ،حب فلفل اسود ،حب كزبره ،ورق غار، قرن فلفل مجفف بحطهم بالبيضه تاعت البهارات او بقلبهن مع دجاج وبصفي المرق بالآخر) وبضيفي ملح ورشه فلفل اسود ورشه بهار كبسه من المطحون وبقلب الدجاج وبضيفلو ماء ساخن حتى ينضج.
تتبيلة الدجاج المشوي او بعد السلق
ملح
باربيكا حلوه
كاري أصفرحلو
رشة كاري أصفر حار
عصير ليمونه
فلفل أسود
سماق
نص فنجان زيت ذره
نص فنجان زيت زيتون
فصين ثوم مهروسين
رشة دبس رمان أوخل بلسمك حسب المتوفر عندك بس لتعزيز النكهه
الطريقه
معلقة صغيره من جميع البهارات المذكوره بتخلطيهن مع الزيت ودبس الرمان وليمون وبتحركيهن وبفرشايه بتدهني الدجاج وبتحمري وبرجعي تتدهني كمان مرا وبتحمري لتحصلي ع لون ذهبي هدا لدجاج المسلوق ازا مو متوفر عندك مرق وازا عندك مرق دجاج وبدك تعملي دجاج مشوي بالفرن هي تتبيلتو
الدجاج المشوي
بضيفي ثوم مهروس ع الخلطه الي فوق وبتدهني دجاج وبتغطي بسلفر حتى ينضج بعدا بتكشفي الوجه وبتحمري والسوائل الي بتكون موجوده ع دجاج بمعلقه بتشليها وبتحطيها فوق دجاج وبترجعي تحمري وبتكرري عمليه السوائل فوق دجاج لتحصلي ع لون آحمر قمة الروووعه وبتاخدي من سوائل الي بنزل ع الدجاج وضفيهن ع الارز هدا بعزز النكهه والطعم دمااار
الآرز:
يتم برش جميع الخضار ونقع الارز،بعدا بطنجره بتحطي معلقة سمنه او زيت ذره زي ما بتحبي بتقلبي الجزر بعدا بضيفي الفليفله وبتقلبي بعدا لبندوره وبضيفي بهار الكبسه وملح وفلفل اسود ومعلقة صلصه وبتخليهن يطبخو عشر دقائق بعدا بضيفي الارز المنقوع مسبقا وبتقلبي كمان عشر دقائق بعدا بضيفيلو مرق الدجاج وبس يغلي بتوطي الغاز لحتى ينضج.
وصحتين وعوافي آكله طيبه وسهله وانتبهي ازا بهار الكبسه حار كتير منشان لصغار يعرفو ياكلو منها
ملاحظه
بهار الكبسه الناعم بحطو ع الارز والخضار عادي والحبوب الصحيحه بحطهن داخل البيضه منشان ما يطلعو لحدا بالآكل
وصحتين وعوافي فنزاتي رمضان الخير علينا وعليكم وع الآمه الإسلاميه جميعها تحياتي للجميع
⚘صديقتكم هزوره⚘
⚘جلكسي والدنيا عكسي⚘
ما تنسو تضغطو ع القلبآسفل يسار الشاشه لتنحفظ بالمفضله عندكم
