دوالي باللحمه ودوالي مع الكوسا والدجاج روووعه ملكة تحضيرات رمضان

المقادير

• كيلو دوالي
• كيلو ونص ارز قصير الحبه
• لحمه مفرومه
• ملح
• فلفل اسود
• بهارات للطبخ
• راس بصل
• بقدونس مغسول ومفروم
• حبتين بندوره
• نعنع ناشف
• توم حسب الرغبه
• زيت

الخطوات

بسم الله الرحمن الرحيم

بالنسبه للدوالي والكوسا حبيباتي اكله معروفه ومشهوره وهي معشوقة غالبية الناس وكل واحد فينا الو مقاديره وطريقته وهي طريقتي ويا رب تعجبكم ويستفيدوا منها حبيباتي الصبايا الصغار ويستفيدوا منها في شهر رمضان اناعملتها بالدجاج وباللحمه لانو في ناس ما بحبو اللحمه

اول شي غسلت الدجاج وتبلتو بالملح والفلفل الاسود والبهارات وشوية بابريكا وتوم مهروس وشوية زيت وتركتوا على جنب

غسلت الكوسا وحفرتها وسلقت ورق ا العنب طبعا بعد ما غسلتو

امالحشوه بتنقعي الرز نص ساعه مع شوية ملح وعلى النار بطنجره زغيره بفرم راس بصل ناعم مع شوية زيت بس يذبلو بضيف اللحمه وبقلبها شوي بضيفلها البندوره الناعمه بحطها على الرز بعد ما بقعتو وغسلتو وصفيتو وبضيف البقدونس والنعنع الناشف والملح والفلفل والبهار والعصفر وبخلطوا كويس وبحشي الكوسا وبلف الدوالي طبعا حضرت طنجرتين وحده حطيت في قاعها بندورن شرحات وحطيت عليها اللحمه وصفيت الدوالي فوق اللحمه والتانيه بنفس الطريقه حطيت البندوره وفوقها الدجاج وبعدين الكوسا واخر شىء الدوالي ورشيت الملح وشوية زيت وغمرته بالمي وركبته على الغار بدو تقريبا من ساعه ونص لساعتين بتضلي تراقبيه لحتى ما يستوي بتقدميه مع السلطه اللبن واي شيء بتحبيه

وصحه وهنا

اللهم بلغنا رمضان ونحن في احسن حال