صينية الحلبة ملكة تحضيرات رمضان
صينية الحلبة ملكة تحضيرات رمضان
المقادير
- خمس كاسات سميد
- نص كاسة زيت زيتون
- نص كاسة سكر
- معلقه كبيره خميره
- رشة ملح
- معلقتين حلبه كبار
الخطوات
بسم الله الرحمان الرحيم
الحلبه من الحلويات الشعبيه الي بعشقها الجميع وكل واحد فينا الو طريقته الخاصه وهذه طريقتي اتمنى ان تنال اعجابكم
بحضر جاط للعجن بضيف بداخله السميد والزيت والسكر وببسهم مزبوط وبتركهم نص ساعه حتى تتفتح حبات السميد كويس وتتشرب الزيت وبكون انا طبعا حمصت الحلبه على النار وغليتها قبل بوقت بضيف حبات الحلبه للسميد وبخلطهم معو كويس وببدء بالعجن باطراف الاصابع بمية الحلبه الي غليتها حتى احصل على عجينه متماسكه وطريه بحضر الصينيه وبدهنها بالزيت او السمنه وبضيف العجينه وبمدها بالصينيه كويس وبقطعها وبتركها تتخمر لمدةساعه او اقل حسب الجو لانو كل ما تخمرت بتكون ناجحه اكتر
وبدخلها الفرن المحمى مسبقا على درجة حراره 180 براقبها كويس لم تتحمر اطراف الصينيه بحمرها وبطلعها من الفرن وبصب عليها القطر او الشيره وهو بارد وهي بتكون ساخنه
القطر
مقاديره كاستي مي وثلث كاسات سكر بحطهم على النار حتى يغلو بضيفلهم معلقه عصير ليمون وبتركهم على النار لمدة ربع ساعه وبتركهم يبردو
