المعمول السوري الأصلي ملكة تحضيرات رمضان
المعمول السوري الأصلي ملكة تحضيرات رمضان
المقادير
- 500غ طحين فرخة (او سميد ناعم طحني ع مطحنة البهارات )
- 500غ طحين أبيض منخول
- 500غ غرام سمنة حيوانية او مختلطة حيواني ونباتي بحرارة المطبخ
- نصف كأس سكر بودر
- كأس كبير قطر سميك
- نصف كأس ماء
- معلقة صغيرة خميرة
- معلقة صغيرة سكر
- الحشوة :
- تمر معجون مع سمنة ومعلقة قرفة
- جوز مكسر مع شوية قطر وماء زهر ومعلقة كبيرة سمنة
- انا بالنسبة ايلي خلطت التمر والجوز المكسر مع بعض وعجنتون مع سمنة ومعلقة كبيرة قرفة انا هيك بحبو وفيكي كمان تحشي فستق حلبي حسب الرغبة
الخطوات
أول شي بننخل الطحين وبنخلطو مع سميد الفرخة وبنضيف السمنة وبنعجن عالخفيف حتى تبلش تتجانس المكونات وبنضيف نصف كاس السكر البودر وبنكفي عجن عالخفيف لحتى تصير عجينة ناعمة ومتجانسة بنغطيها وبنحطا بالبراد لحتى ترتاح لمدة ساعتين وبعدا بنطالعا وبنحطا بصينية واسعة وبنضيف كاسة القطر وبنحرك برؤوس الاصابع ممنوع العجن بهي المرحلة وبنكون مدوبين معلقة الخميرة ومعلقة السكر بالمي وبنحطا بالتدريج ونحنا عم نحرك برؤوس الاصابع ممكن ما تاخد كل المي حسب استيعاب الطحين ورح تكون العجينة طرية نوعا ما بنرجع بنغطيها وبنحطها بالبراد من نص ساعة لساعة وبهالوقت بنجهز الحشوة وبعدين بنطالع من العجينة اول باول هالخطوة مهمة لازم العجينة تضل باردة حتى ما تلزق معك وتشقق بالفرن بنطالع على قد صينية او اقل هيك لحتى نخلص الكمية بنكون محمين الفرن ع حرارة 250 من تحت وفوق وانا لان الجو عندي شوب لما عبي الصينية حطا بالبراد حتى تضل باردة وبس حمي الفرن طالعا من البراد عالفرن فورا ما بتاخد وقت كتير شي عشر دقايق بس بدا انتباه لان فورا بيحترق
بس استوت بنخليها تبرد تماما وبنحتفظ فيها بعلب محكمة الإغلاق
وبالعافية
