الكبسه على طريقتي
الكبسه على طريقتي
احب ان اقدم لكم اخواتي الغاليات الكبسه على طريقتي…
انا عن نفسي بحبها كتير وبعشقها …
المقادير
- دجاجه بصل
- بهاراتي الجميله(حبتين لومي اسود+ملعقه كبيره اكليل الجبل+ست حبات قرنفل+فلفل اسود +ملح+زنجبيل+قرفه+هيل +ورق غار+مكعب ماجي)
- رز ابو بنت
- حبتين بندور
- حبتين جزر
- بصلتين
- درسين تومه
- خل ابيض
- انا بحبها مع اللحمه اكتر من الدجاج بس اليوم عملتها بالدجاج بس هي اجمالا زاكيه بالدجاج واللحمه
الخطوات
يغسل الدجاج جيدا
نضع بطنجرة الضغط شوية زيت ونحط الدجاج ونخليه لما تنشف كل المي
نسكب عليها ماء الى ان يغتمر الدجاج
نقطع البصل كبير نضعه فوق الدجاج
نضع ضرسين التومه
نضع البهارات الملح والفلفل الاسود واللومي وورق الغار والقرفه والهيل ونغلق الطنجره جيدا لمده ٢٥دقيقه
بطنجره اللي رح نطبخ فيها الرز نحط شوية زيت ونفرم بصله ناعمه وندبلها بالزيت
نقطع الجزر مكعبات صغيره او برش على حسب الرغبه ونضعه فوق البصل وندبله
نفرم البندوره ونديرها فوق البصل والجزر
نضع جميع البهارات فوق البندوره من ورق غار وقرنفل تلات حبات وفلفل اسود وقرفه وزنجبيل ومكعب ماجي ونحركهم جيدا ونتركهم الى ان تستوي البندوره تمام وتنشف المي
نغسل الرز ونديره فوق البندوره ونحرك جيدا
نصفي مرقة الدجاج بعد ان يستوي الدجاج
فوق الرز الى ان ينغمر ونتركه نص ساعه تقريبا لما يستوي تمام
نحمر الدجاج بالفرن بالشوايه
وصحتين وهنا …
نانا عواد🌹🍃
