الكنافة الكذابة

المقادير

• خبز حمام او صامولي او همبرغر من غير سمسم
• ٦ حبات زبده ٢٥٠ غ مقدار كاسه بحرارة الغرفه
• كوبين حليب
• ٢ ملعقة طحين
• علبة قشطه
• جبنة موزيريلا
• ماء ورد
• فانيلا
• رشه فستق حلبي للزينه
• مكونات القطر:
• ثلات فناجين شاي سكر
• نص كوب ماء
• عصرة ليمون
• ماء ورد

الخطوات

نطحن الخبز ناعم

ندير الزبده السايحه عليه ونبسه جيدا الى ان يتشرب الخبز كل الزبده ويتماسك مع بعض

نقسم الخبز بعد البس الى نصفين

نحط الحليب والطحين على النار ونحرك جيدا لما يغلي ويتماسك يصير ثخين شوي زي المهلبيه نطفي النار ونحط عليهم علبة القشطه ونحرك جيدا

نحط جبنه الموزيريلا عليه وهو سخن طبعا مبروشه مقدار كوب ماء ونحرك جيدا لما كل الجبنه بتدوب

نحط ملعقة ماء ورد ورشة فانيلا ونحرك جيدا

نرجع للخبز اللي بسيناه بالزبده وقسمناه قسمين نحط قسم بصينيه مدوره ونرصه جيدا بقاع الصينيه وندير القشطه فوقه وقسم الخبز التاني نحطه على وجه القشطه ونغطي كل القشطه وعلى الخبز على نار بدرجة حراره ١٨٠ لما نحس الأطراف اخدت لون وردي جميل بنحمرها وجهها شوي  لإنه بس تاخد الأطراف لون رح نقلبها بصينيه تانيه

ديرو بالكم وانتو بتقلبوها ما تخرب معاكم اقلبوها بصينيه اكبر شوي عشان لا تتكسر ولا تخرب

بعد ما نقلبها بنشربها بالقطر وهي سخنه رح يشرب القطر كله

ونزينها بالفستق الحلبي وصحتين وعافيه…

نانا عواد🌹🍃