قصة لست ابنتها بقلم زهرة الضام

امل : ماما انا جوعانه كتير

ام امل : نقبري روحي كلي ايا شي بلبراد

امل : والله مافي شي بلبراد بتاكل ماما امانه عمليلي ايا شي

ام امل : حلي عني مافي فاضيتلك روحي عملي ايا شي انتي

امل : مافيني ماما اطول الغاز المرة الماضيه بدي اعمل شاي ووقع البريق عليي وانا عم حطو

داني : ماما انا جعت شو رح ناكل اليوم

ام امل : تعا حبيبي تعا شو جاي على بالك الي اطبخلك ملوخية بعرفك بتحبها

داني : لا ماما ما بدي جاي على بالي بيتزا جاهزة

ام امل : تكرم عيونك يا عمري هات التلفون لطلبلك وحدة الك وحدة الي

هون امل نزلت راسها بحزن وشدت على شفافها لصغار وراحت على غرفتها وحطت حالها تحت الحرام وصارت تبكي بقلب محروق وتحكي يا رب انا ليش هيك بتعاملني ليش من وقت ما بابا مات ماعد اكلت اكلة متل العالم وماعد لبست تياب جديدة عطول بتلبسني من تياب داني يلي بيصغرو عليه وعطوول رفقاتي بيضحكو عليي

كبرت امل وصارت صف عاشر وصارت بنت متل القمر كان عيونها الحشيشي الهن سحر خاص وشعرها البني الغامق و رموشها يلي مغطين جفنها وشفافها الصغار مع انو لهل عمر وبتلبس من تياب اخوها بس اوقات بتعطيها رفيقتها سوزان من عندها تياب

سوزان هيي رفيقتها يلي تعرفت علي تعرفت عليها بلثانوية ولهل وقت وهنهن مع بعض

سوزان من عيلة محترمة والها مكانها بلمجتمع

سوزان : امل شوفي هداك الشب من وقت ما طلعنا من المدرسه وهوي ورانا

امل : بكون عم يلحقك انتي

سوزان : ههههه لا انا مرتبطة يا بعدي ما حدا بعبي عيني غير حبيبي سعيد يخليلي البو شو بحبو ولا دقنو متل سواد الليل بعشقهااااا

امل : اي شبك لا تبينيلو يا جدبة انك دالقة حالك عليه

سوزان : بتعرفي اوقاات بحسو ما بحبني بحسو عم يلعب عليي

امل : هوي صح كان عندو اكتر من علاقه من قبلك بس بحسو كتير بيعتني فيكي نيااالك يا بعدي مو متلي

بتعرفي انا بتمنا حدا يعتني فيني متلك انت امك اذا بتطلعي بس على قطعة تياب بدون ما تحكي بتجبلك ياها مو متلي

سوزان : خرسي ولي والله انتي غاالية كتير على قلبي

امل : تؤبشيني يا عمري

سوزان : ليكي الشب لهلق عم يلحقنا شبو

امل : ما بعرف والله

سوزان : ليكي عم يجي صوبنا عملي حالك مو مهتمة لتشوف شو بدو

قرب الشب لعنا ووقف قدامي وضل ساكت ويطلع بعيوني وانا ما بعرف ليش سكتت وضليت عم اطلع فيه يمكن جذبتني عيونو العسلية واللمعه يلي فيهن من ضو الشمس

بعدين نكشتو سوزان وحكتلو بنبرت حادة شوي …

سوزان : هيييه شو بدك يا اخ

مجهول : اسف بس هاد المفتاح وقع من صديقتك وقت كانت عم تطالع موبايلها

امل : شكرا كتير الك

مجهول : عادي ولو تكرمي

اخذت امل المفتاح منو ومشيت هيي وسوزان بس الشب ما بعد نظرو من على امل

سوزان : شفتي كيف عم يطلع عليكي ولك كأنو عنجد حبك

امل : اااه على شو بدو يحبني مو شايفه شكلي اذا انا ما بحب حالي

سوزان : سكتي وليه لا تحكي هيك انتي قلبك متل لون هل غيوم بيض وبياضهن ناصع

امل : اوقات بس بدها تهب عاصفة بصير لون هل غيوم اسود وانا خايفه يجي يوم ويصير قلبي اسود من كتر الضغط

سوزان : لا أموله خلي قلبك طيب متل ما بحبو

وصلت امل سوزان على بيتها وكملت على البيت ووقت وصلت على بيت تطلعت لوراها ونتبهت انو الشب لسع وراها خافت ونزلت راسها واسرعت بفتح الباب وفاتت ومن وصلتها على بيت سمعت صوت امها عم تصرخ من جوا وصلتي يا ست الحسن يلا بسرعه لبسي تياب الشغل وبلشي شغل وطلخ لانو جعت وجاع اخوكي وعصب كتير

نزلت راسها بحزن وحكت بصوت خافت شو انا جارية يا ربي

بعدها وحست حدا شدها من شعرها صرخت بصوت عالي وطلعت وراها كان ……….

يتبع