دجاج محشي ملكة أطباق فطور رمضان
دجاج محشي ملكة أطباق فطور رمضان
المقادير
- دجاجتين
- معلقتين كبار سماق
- معلقتين صغار ملح
- معلقة صغيرة كاري
- معلقة صغير بابريكا حلوة
- نص معلقة بابريكا حارة
- نص معلقة فلفل أسود
- نص معلقة ثوم باودر
- حبة بصل مبروشة
- ربع كوب دبس الرمان
- معلقتين كبار زيت
- للحشوة:
- كاستين فريكة خشنة
- حبة بصل مفرومة ناعم
- باكيت ماجي بودرة
- كاستين مي سخنة
- زيت زيتون
الخطوات
نخلط كل البهارات مع البصل المبروش ودبس الرمان والزيت مع بعض وبتبل الدجاج الي بكون طبعآ منضف بليمون وملح وخل ومغسول كتير منيح وبعدين بتبلهم من جوا وبرا وتحت الجلد وبتركها شي أربع ساعات وبعدين بجيب كاستين فريكة بنقيهم وبتأكد انو ما فيها حجار وبعدين بغسلها منيح وبنقعها نص ساعة وبعدين بفرم بصلة ناعم وبحوسها بزيت زيتون وبدبلها شوي وبعدين بحط عليها الفريكة بعد ما أصفيها من مية النقع وبقلبها مع البصل وبعدين بحط عليها باكيت ماجي بودرو وبعدين كاستين مي سخنة وبخليها تغلي منيح حتى تتشرب وبس تشرب ميتها بوطي عليها حتى تستوي وبس تخلص بفردها بجاط وبخليها تبرد وبعدين بحشي فيها الجاج وبحطها بالفرن ساعة ونص ع نار هادية
صحة وهنا ع قلوبكم
