دوالي وكبسه وملوخيه وكفته ومقبلات ملكة أطباق فطور رمضان
دوالي وكبسه وملوخيه وكفته ومقبلات ملكة أطباق فطور رمضان
دوالي وكبسه وملوخيه وكفته ومقبلات ملكة أطباق فطور رمضان
المقادير و الخطوات
السلام عليكم……طريقه الكفته ……انا بجيب لحمه من عند اللحام جاهزه وبفردها بلصينيه وبحط البصل والبطاطا والبندورة عليها مع القليل من الملح
اما طريقه الملوخيه …..بدق راس توم صغير بحطه بطنجره وبحط عليهم يا زيت يا سمنه الي متوفر عنا بحلوسهم شوي وبحط عليهم قطع سفاين جاج بكون مقطعها قطع متوسطه من قبل وبحلوسهم مع بعض مع الفلفل الاسود والبهارات وبحط عليهم ماء غمرتهم وبغطيهم لحد الاستواء
بهاي الفتره بفرم الملوخيه وبضعها فوق الدجاج مع التحريك لفتره صغيره وبضع الملح حسب الرغبه وصحه وهنا
الدوالي حبيب الشعب ……. بسلق الدوالي وبنقع الارز لمده عشر دقائق بفرم الخلطه ….راس بصل صغير وبقدونس وبندوره حمره وسنين تومه وبضعهم فوق الأرز وبضع عليه ملح وفلفل اسود وبهارات ودبس الرمان وبلف الدوالي ويتم طبخه
الكبسه …..بفرم راسين بصل ورأس تومه وبندوره وفليفله الوان بضع البصل في الطنجره وبحلوسه مع القليل من الزيت وبحط التومه والبندورة والفليفله الوان مع البهارات الكاري والفلفل الاسود وبهارات الكبسه السعودي بحلوسهم منيح وبضع عليهم الجاج بعد تنظيفه جيدا وبحلوسهم منيح وبغمرهم بلماء المغلي وبحط عليه ورق غار وليكون مجفف وبغطيهم لحد الاستواء ….
نقع الارز لمده عشر دقائق وبضع عليه بعد النقع القليل من البهارات والملح وبضعه فوق ماء السلق طبعا بكون مطلعه الجاج وشاويته وبخليه على نار عاليه شوي وبعدين بوطيه وصحه والف هنا
وطبعا لكل اميره بيت والها طريقتها الخاصة اذا في اخطاء املائيه انا اسف لاني تعبت وانا بكتب
