كيك طبقات ( ليال الشام )
كيك طبقات ( ليال الشام )
المقادير
- 4 بيضات
- كوب سكر
- ملعقة كبيرة فانيلا
- ملعقة كبيرة خل ابيض
- كوب حليب سائل
- كوب زيت
- كوب ونص طحين
- ملعقة كبيرة بيكنج باودر
- باكيت كريم كرامل
- كاكاو او صبغة حمرا او خضرا
الخطوات
عملت الكيكة بالطريقة المعتادة من غير ما احط الكاكاو او الصبغات بعدين بقسم الخليط لنصفين بالتساوي قسم بضل متل ماهو فانيلا والقسم التاني اما بضيف كاكاو او صبغات حسب شو بتحبو انا هون عملت تلات انواع
بعدين بجيب بايريكس حجم وسط مدهون زيت وطحين بحط من قسم الفانيلا بالصحن قدر مغرفتين وبشويها بالفرن من تحت لمدة ربع ساعة وبعدين بحط من القسم التاتي كمان قدر مغرفتين وبحط البايريكس بالفرن من تحت بس بولعه من فوق خمس دقايق ويضل اعمل هيك ليخلص الخليطين
بعدين في وعاء بعمل الكريم كرامل بحط كوب حليب سائل للمغلف وبحط صبغة او كاكاو حسب شو حطيت بالكيكة ربعدين لما يتقل الخليط بحطه فوق الكيكة وبعدين بحط الكيكة بالتلاجة
ملاحظة:
ممكن تحطو بين الطبقات مربى بطلع طعمها طيب كتيييير
