كيكة الدسباسيتو على طريقتي
كيكة الدسباسيتو على طريقتي
المقادير
- باكيت خليط الكيك الجاهز بيتي كروكر بالكاكاو
- كاسة كبيرة كاكاو سائل
- معلقتين سكر
- باكيت قيمر
- معلقة كبيرة زبدة
- مقادير الكريمة:
- أربع مغلفات كريمة
- كاستين شاي صغار حليب بارد
- باكيت قيمر
- مقادير الكراميل:
- كاسة سكر
- ربع كاسة مي
- للزينة:
- صوص شوكلاتة
- فستق حلبي
الخطوات
باكيت خليط الكيك الجاهز بيتي كروكر بالكاكاو بخلطو حسب التعليمات ع الباكيت بجهزها وبس تطلع من الفرن بكون مجهزة كاسة كبيرة كاكاو سائل بحلي بمعلقتين سكر وبشرب في الكيكة وبتركها تبرد للكراميل كاسة سكر ربع كاسة مي بحطهم ع الغاز حتى يتكرمل ويصير لونو ذهبي بعدين بحطلو باكيت قيمر ومعلقة كبيرة زبدة وبحركو منيح وبتركو يبرد للكريما أربع مغلفات كريمة كاستين شاي صغار حليب بارد بخفقهم منيح وبعدين بضيف عليهم باكيت قيمر وبخلطو منيح وبحطو بالتلاجة يبرد ويمسك مزبوط
بعد ما صار كل شي عندي جاهز والكيكة بردة بجيب الكراميل وبدهنو فوق الكيكة وبعدين بجيب الكريما وبوزعها فوق الكيك وبزينها بصوص الشكولاتة والفستق الحلبي
ملاحظة
الباكيت الواحد تبع الكيك وزعتو ع صواني البايركس تنتين الكبيرة والوسط بتعمل كمية منيحة
