طريقة البرازق وصفة مضمونة ١٠٠%
طريقة البرازق وصفة مضمونة ١٠٠%
المقادير
- ثلاث كاسات طحين
- كاسة سمنة
- ربع كاسة زيت
- كاسة سكر
- نص معلقة صغيرة بكنغ باودر
- نص معلقة صغيرة فانيلا
- نص معلقة صغيرة محلب
- ملعقتين كبار حليب باودر
- نص كاسة حليب بارد جدآ
- كاسة ونص سمسم محمص
- نص كاسة فستق حلبي
الخطوات
بخلط النواشف مع بعض وبتركهم على جنب وبعدين بحط السمنة والزيت والسكر مع بعض بخلطهم حتى يصير على بياض وبعدين بضيف عليهم النواشف ويخلط حتى يصير خليط كريمي وبعدين بعجنهم بالحليب البارد وبتركهم بالثلاجة ساعة وبعدين بشكلهم باخد كرات قد بعض وبحطها بالفستق من جهة ومن الجهة التانية بمفردها ع السمسم المخلوط مع ملعقتين قطر ثقيل ومعلقة مي ويحط بالصينية وبشويهم ما بوخدو وقت بالفرن بدك تنتبهي بس يشقر تشوفي الجناب من تحت بتحمري الوجة وبتطلعي بتخلي بالصينية حتى يبرد لأنو بكون طري أول ما يطلع
وصحتين وهنا وعيدكم مبارك وعساكم من عواده
