معمول العيد والتمر المحشي مسابقة ملكة تحضيرات العيد
معمول العيد والتمر المحشي مسابقة ملكة تحضيرات العيد
معمول العيد والتمر المحشي مسابقة ملكة تحضيرات العيد
المقادير
- مقادير معمول التمر
- ٣ كاسات سميد فرخه
- كاسة طحين
- كاسة سمنه
- كاسة زبدة
- ملعقة صغيرة محلب
- ماء زهر
- يانسون مطحون
- شومر مطحون
- ملعقة صغيرة مستكه
- ٤ ملاعق حليب
- ٤ ملاعق سكر مطحون
- خميرة
- ماء دافئة
- ملعقة صغيرة نكهة جوز الطيب
- دقة الكعك
الخطوات
يستخدم لكل المقادير نفس معيار الكاسة
نخلط النواشف ” سميد + طحين ”
نضع السمنه عالغاز لحتى تغلي منيح
بديرها عالسميد وهي سخنه حتى يتفتح ويشربها
أما الزبده بذوبها “فقط تذويب ”
ونضعها عالخلطه
بببسهم … بعدها نضع الحليب والسكر المطحون والحوائج المذكورة بالمقادير
ملاحظه منطحن المستكه مع ملعقة سكر مطحون وبضيفها مع الحوائج
ببسهم منيح وبخليها ترتاح ل تاني يوم
بعجنها بالمي الدافئة مع نص ملعقة خميرة لحد ما تتشكل عجينة متماسكه .
وبستخدم القوالب أو اي شكل بتحبيه
حشوة التمر : بعجن التمر وبضع عليه رشة قرفه وزيت زيتون و يانسون مطحون وشومر مطحون ودقة الكعك ورشة طحين حتى يتماسك ومنعجنه منيح اما بالنسبة ل حشوة الفستق الحلبي بعجنه بماء زهر مع عسل مع ملعقة صغيرة سمنه او زبده
ومنشكله كرات لحتى يتشكل معنا ورشة سكر مطحون .
الجوز :بعجنه مع ماء زهر و عسل ورشة قرف ورشة سكر مطحون
ملاحظه بكون محمية الغاز وبحمرهم ع شقار .
وصحه وعافية
وعملت كمان شي بحبه للعيد
تمر محشي باللوز . وهاي منظره
بعجن التمر بنفس البهارات الي ذكرتها فوق ل حشوة التمر وبكورها وبحشيها حبة لوز مي او جوز وبغلفها بالجوز الهند او السمسم متل هيك
وبحطها ب ورق الكب كيك
وكتير طيبه
