معمول العيد بالسميد ملكة تحضيرات العيد

المقادير

• سميد 4 كاسات خشن مع 2 كأس سميد الفرخه
• 400 غ سمنه او زبده او الاثنين مع بعض تكون سايحه يعني 2 كوب
• نص كوب حليب بودره
• ثلثين كوب سكر
• معلقه كبيره محلب
• رشة خميره
• 1 كوب كل من خليط ماء ورد وماء زهر وماء دافيء
• قطرات مستكه سائله
• الحشوه 1) تمر مع معلقة سمنه ودقة الكعك وممكن تحطي سمسم بيعطيها طعم زاكي.
• 2) فستق حلبي مع معلقة حليب بودرة وعسل او قطر ونقطتين مستكه سائله
• معلقة محلب

الخطوات

نحط السميد ثم السمن او الزبده او الاثنين وتكون دافيه ونخلطهم مع بعض ونبسهم كل ما بسيناهم اكتر كل ما كان احسن ونغطيهم ونتركهم اقل شي 6 ساعات او لثاني يوم وكل ما طول افضل بس كل فترة وفتره نكشف عنهم ونبسهم .

تاني يوم نرجع نبسه اول شي بعدين بنحط الحليب البودره ورشة خميرة ومحلب ومستكه وبنقسم الخليط قسمين القسم الاول الي بدك تشتغلي فيه تضعي السوائل عليه واذا كانت طريه ممكن تضيفي اشوي من القسم الاخر حتى تحصلي عالقوام المطلوب ونبلش حشي بالحشوات السابقه وتكون مجهزه من قبل كور عشان اتسرعي بالشغل وبتعمليها بقالب المعمول او بالنقش بالملقط ونخبزها بالفرن درجه حراره 180° حتى تشقر بس ما طول بالفرن عشان ما تنشف والقسم الاخر بس تخلصي من القسم الاول نفس الشي بتحطي السوائل وبتشتغلي فيه وصحتييين وهناااا❤