كعك العيد
كعك العيد
المقادير
- 3كيلو طحين
- كيلو سمنة
- كاسة زيت ذرة
- كاسة سكر او حسب الرغبة
- بهارات الكعك ملعقتين كبيرتين
- كيلو تمر مطحون
- هيل مطحون
- مستكة مطحونة
- محلب مطحون
- حليب للعجن
الخطوات
عملنا كعك العيد والحمد لله طلع ببشهي
عملت 4 كيلو طحين بتمر
وعملت كيلو ونص سميد بجوز عين الجمل
انا اتبعت الطريقة التقليدية والقديمة بعمل الكعك اللي هي ،
كل 3 كيلو سميد بدهم كيلو سمنة او زبدة وكاسة زيت ذرة
انا عملت 3كيلو طحين وحطيت عليهم كيلو زبدة وكاسة زيت ذرة وبهارات الكعك او دقة الكعك .وحطيت مستكة مطحونة معلقتين وحطيت محلب مطحون معلقتين وكاسة سكر مطحون ومعلقة كبيرة بيكنج باودروبسيتهم بروس الاصابع لحتى تجانسوا تماما وغطيتهم وتركتهم 2ساعة .
ولما اجيت اشتغل فيهم غليت يانسون وذوبت فيه نص كاسة حليب جاف . ومعلقة يانسون ومعلقة شومر
.
وبتعجني العجينة باليانسون المذوب فيه الحليب وبطريقة البس لحتى تحصلي على عجينة طرية سهلة التشكيل وبتبلشي تقطعي العجينة لكرات صغيرة وتحشيها قسم تمر او جوز او فستق حلبي. .حسب الرغبة طبعا
وبترصيهم بالقالب المخصص وبتصفيهم بصواني وبتشويهم بالفرن .وبس يبردو بترشي عليهم سكر مطحون حسب الرغبة
انا المرة ما حطيت سكر مطحون لاني حطيت بالعجينة
اما كيلو السميد حطيت عليه نص كيلو زبدة وتركته 6 ساعات وعجنته بالحليب واليانسون وحشيته جوز عين الجمل وقرفة وعملته بالقالب الخاص بالمعمول
وصحة وهنا
#كعكات ام نضال المشهية
