جرائم الكترونيه بقلم هلا غرابلي الجزء الاول
جرائم الكترونيه بقلم هلا غرابلي الجزء الاول
ليث:حبيبي ..حبيبي صباح الخير .. صباحك ورد وفل ولوز يا عمري صباح النور .. يالله اصحى غنت فيروز الشمس طلعت يا زين .. وانته مغمض العينين من تصحى تشرق ع الدنيا .. مو شمس واحده شمسين يسعدلي صباحك يا رب
سلام: و صباحك يا رب ..الله على ريحة القهوة ..يسلم ايديك
ليث: تفضلي …
سلام:يسلمو ،ليث حلمت فيك
ليث:خير انشالله
سلام :خير انشاللله حلمتك واقف عم تكسر عفش غرفة نومنا ، و انا كنت واقفة و عم ابكي و قلك لا ما تعمل هيك ، اطلعت فيني و درت وجهك و تابعت تكسير يا لطيف شو كرهتك بالحلم
ليث:ههههه هلوسة حياتي ما تشغلي راسك بهيك شي يلا انا بدي انزل على شغلي
سلام:ماشي شو بدك اطبخلك ؟
ليث:ولله ما بعرف اعملي يلي بدك اياه و الا قلك ما تطبخي و تعذبي حالك انا بجيب معي اكل انا و راجع من شغلي
سلام:الله على الدلال يخليلي اياك
ليث:لكن لكن اكام سلام عندي و انت بعدك عروس دللي علينا يلا انا رايح هاتي بوسة
سلام :…الله معك
نزل زوجي على شغلو و انا قمت من التخت و فتت على الحمام غسلت وجهي و طلعت ،وقفت على المراية و شفتو كاتبلي بحبك ام الجود ،مسكت قلم الحمرة و كتبتلو و انا بعشقك ابو الجود ، اخدت قهوتي و رحت على غرفة القعدة حطيت على اغاني فيروز ، بعدين قمت اشتغلت بيتي شوي و حكيت امي عالتلفون و اهتميت بحالي شوي لصارت الساعة 1بعد الضهر ،كنت واقفة على المراية ،وقت انفتح باب بيتي و سمعت صوت ليث عم يناديلي ،انا استغربت من رجعتو على البيت بكير كتير
ليث:سلاااام وللللييه وينك سلااام
سلام:اي حياتي شو رجعك بكير ما بالعادة
مسكني من شعري
ليث:تعا يا كلبة يا …يا ……
سلام:ليث شبك اتركني عم توجعني ..ليث شو صرلك؟
ليث:وليه عم تخونيني يا بنت الحرام يا بنت …..
سلام: ليث لك شبك شو صرلك اخخخخ عم توجعني شوفي؟
قام قشاط بنطلونو بلش ضرب فيني و انا صرخ و ابكي
سلام (تبكي): لك ليش عم تضربني ؟
ليث:لسا بدي موتك …. مين هادا ..من ايمت بتعرفيه …اكام مرة نمتي معو و انا متل الاهبل نايم على داني
سلام (تبكي):اخ يا امي ،شو عم تحكي ما عم افهم عليك ولله
مسكني من شعري و حط موبايلو قدامي و فرجاني صور الي ،كلها صور بقمصان النوم العرايسية و بجامات
ليث: شو هدول …هدول صورك اجوني على الفيس من حبيب قلبك القيصر ماجد …. مرتي عشقانة علي …وليه من ايمت هادا بتعرفيه قبل ما اتزوجك ولا بعد
سلام(تبكي):وللله ما بعرفو
ليث:كذااابة وليه ..باعتيلو صور استعراض ..شو عرفو في شامة برجلك ،نمتي معو ببيتي على تختي ،لك قلي مرتك جمر يا امة الله
رجع يضربني على وجهي و يسبني بابشع الكلام
سلام(تبكي): ليث ولله ما بعرفو و ما بعرف من وين جاب الصور …. لك خلص دخيل الله
ليث:ولله لادبحك لسا يا ….
قعد يضربني حتى تعب و انا ما عاد طلع صوتي ،راح قفل باب البيت و كسر التلفون الارضي و رجع و جاب كرسي معو و قعد قبالي،و مسكني من ايدي
ليث:قومي لشوف احكيلي مين هادا ماجد و من ايمت بتعرفيه و اكام مرة فات لهون
سلام(تبكي):…….
ليث:ليش انخرستي ،بشو انا كنت مقصر عليكي حتى تخونيني ،ان طلبتي لبن العصفور كان بيحضرلك ، عملتلك كل شي بدك اياه و على ذوقك ،حبيتك حب جنون و بالاخير هيك بتكافيني
ضربني كف
ليث:احكي يا كلبة يلا
سلام(تبكي ):شو بدي احكي لك وللله ما بعرفوووو ما بعرررفو
مسك موبايلي و فتحو و صار يدور بالرسائل هو و عم يرجف و فتح الفيس و رسائل الفيس و دور على اسمو عندي بقائمة الاصدقاء و ما لقاه ،بعدين فتح استديو الصور و شاف كل الصور يلي اجوه على حسابو عندي بالاستديو
ليث: خدي لشوف دقيلو يلا
سلام:لك ماااا بعرفووووو…ما بعرف عن مين عم تحكي…شبك جنيت ..بعد هيك انا رايحة عند اهلي
قمت من الصوفا لالبس و روح عند اهلي ،رجع شدني من ايدي و دفشني على الصوفا
ليث:انقبري قعدي هون ما الك طلعة من هون قبل ما اعرف كل شي
سلام:ووولله ليث ما بعرفو بلكي في حدا بدو يوقع بيناتنا
ليث:شايفتيني ولد صغير قدامك حتى تحكي هيك ،صورك كيف طلعو من موبايلك لعندو
سلام(تبكي) :ولله ما بعرف انا رح جن لاعرف
انا و عم احكي معو ،اجتو رسالة على الفيس ،فتح الرسالة و طلع مقطع فيديو الي انا و عم ارقص بقميص النوم و شاف المقطع و جن ،قام و بلش يكسر ،قلب التلفزيون و راح على المطبخ كسر كل شي في ازاز ،بعدين راح على غرفة النوم و كسرلي مكياجي و فتح خزانة تيابي و بلش يطلع قمصان النوم من الخزانة و يمزعن و يكبن على الارض ، و انا واقفة عم اتفرج عليه و ابكي ،صار انسان مجنون بساعة وحدة ، بعدين راح على المطبخ و جاب السكينة بدو يدبحني و انا هربت على غرفة النوم و قفلت الباب علي انا عم ابكي و ارجف،صار يخبط على الباب
ليث:افتحي الباب وللله لادبحك و نظف شرفي
سلام(تبكي) :يث …ولله ما بعرفو لهادا و ما بعتلو لا صور و لا فيديو ولله عم تظلمني
اندق باب بيتنا ، راح يفتح ،اول ما فتح الباب سمعت صوت اخواتي الشباب لؤي و سامر ،ارتحت كتير
لؤي:شو هالاصوات شوفي شو صاير عنكن
سامر:وينا سلام
ليث:اختكن ……عشقانة علي …اختكن ال…
هجم لؤي عليه و بلش يضربو
لؤي:ولا كلب هيك عم تحكي على اختي…ولا هاي مرتك
فتحت الباب و ركضت و لؤي و ليث عم يضربو بعض ،و سامر عم يبعدن عن بعض ،شافني لؤي بهالمنظر و جن بزيادة
لؤي:يا ابن الكلب شو عامل فيها ،بعدا عروس بتضربا و بتشوها هيك
رجع يضربو بعض و انا و سامر نفك بيناتن ،بلشت الناس تطلع على السطوح و البرندات و تتفرج على اخواتي و زوجي عم يضربو بعض و طلعت سلفتي و سلفي يفصلو بيناتن
سامر:سلام فوتي البسي بسرعة و ضبي تيابك ….سلام …شبك …سلام شو صرلك…لؤي لحق اختك
انا تشنجو ايدي و تقل لساني و وقعت على الارض انا و مخشبة ،وقت شافوني بهالمنظر ركض سامر لفني بجاكيتو و نزل فورا هو و لؤي على السيارة فورا هن و عم يسبو على ليث
لؤي:راجعلك وللله لبزقك الدم يا ..
حطوني بالسيارة و طلعو على المشفى ،و هنيك اعطوني ابرة مهدئ اعصاب و رجعت على بيت اهلي ،كانو اخواتي دمن فاير من ليث و من كلامو علي و ضربو الي ،بعد ما تحسنت ،فات عندي اخي لؤي
لؤي:كيف صرتي حبيبتي؟
سلام:لحمدلله
لؤي:الله يكسر ايديه ،ولله حسابو لسا ما خلص معي ،ليش هيك عمل فيكي؟
سلام(تبكي):ولله ما بعرف فقنا الصبح و ما كان في شي بيناتنا راح على شغلو و رجع متل المجنون فات يضربني و يسبني ،فرجاني صور الي مبعوتة من واحد اسمو القيصر ماجد على حسابو
ام سامر :صور الك ؟
سلام:ايه ولله ما بعرف مين هادا و لا بعرف كيف جاب الصور من موبايلي و بعتن لزوجي ،هادا واحد بدو يوقع بيني و بينو و حلفتلو انو ما بعرفو و ما صدقني
لؤي:مين بدو يكون ؟ مين ابن هالحرام ؟موبايلك ضاع شي مرة يعني؟
سلام:لا ابدا على طول معي ولله رح جن كيف طلعو الصور من موبايلي
لؤي:كيف الصور يلي اجوه
سلام:….صور الي بقمصان النوم و مقطع فيديو الي من فترة شهر و نص تقريبا صورني اياه ليث
ام سامر:امي ليش حاوية هيك صور بموبايلك ،غلط هالشي على كل حال اسأل شي محل موبايلات بيقدر اي حدا ياخد صور من اي موبايل ؟
لؤي:طيب مع انو ما بظن طيب سلام حدا مسك موبايلك شي مرة بدو ياخد شي منو مثلا
سلام:لاا اذا بدي ابعت شي لحدا ببعتو بايدي انا عن طريق البلوتوث و بعدين حاطة كلمة مرور لموبايلي يعني ما حدا بقدر يفوت عليه ابدا
لؤي:طيب هاتي اسمو حسابو لحكيه لهل الكلب و رح اسأل انا عن هالموضوع
سلام:اكيد بيعرفك و رح يحظرك فورا
تاني يوم كنت متسطحة بالتخت و تعبانة وقت رن الجرس و قامت امي تفتح الباب ،سمعت صوت حماتي
ام ليث:اولادك عملو مراجل على ابني و ضربوه يروحو يضبو شرف اختن
ام سامر: صرماية بنتي اشرف من كل عيلتكن ،ابنك يلي عامل حالو رجال على بنتي و نزل فيها ضرب
ام ليث:لك بنتك بدها دبح سيرتا صارت على كل لسان و صورها بكل موبايلات الشباب عم تتفرج عليها ،كأنو كاينة دايرة على حل شعرا و عم دخل شباب لعندا و ابني نايم على دانو
ام سامر:احترمي كبرتك و روحي من هون احسن ما سمعك حكي ما يعجبك و نفسية بنتي ما لقيانة
ام ليث:قليلا ليث ما رح يخليكي على ذمتو ولا دقيقة و بدو يطلقك اليوم قبل بكرا و بدو يفضحك للعالم كلها هالخاينة الفلتانة
ام سامر:باب المحكمة بفوت جمل يلا فرجيني عرض اكتافك من هون
انا كنت متسطحة بالتخت و عم اسمع الحكي و عم ابكي و تعبانة اعصابي و ما قادرة قوم من محلي و وقت رجعو اخواتي من شغلن ،خبرتن امي بحكي ام ليث
سامر:يطلق بالناقص منو الله يلعنو هو و امو قليل الشرف ما بيعرف مرتو شو هي
لؤي:اعلى ما بخيلو يركبو اصلا نحن ما منكون رجال اذا منخليها على ذمتو بعد ما حط بشرفا و عرفت كل الناس شو عمل فيها
سامر:بس بدو يدفعلا كل متأخرا كامل
نحن و قاعدين بالسهرة ،رن موبايلو لاخي لؤي و رد عليه
لؤي:الو اهلين عامر ..ايه ….شووو ..مين هادا ابن الحرام يلي عم يلعب هيك لعبة وسخة ….وينك انت …انا جاي
ام سامر:شوفي ابني
لؤي:رفيقي عامر قلي في واحد عالفيس باعتلي صور لاختك و عم يبعتا لكل شباب الحارة وولله رح جن
سامر:العمى …لحظة جاي معك
ام سامر(تبكي):حسبي الله و نعم الوكيل باولاد الحرام مين عم يشوه سمعتك الله ينتقم منن الهي
انا فتت على الغرفة و قعدت ابكي و اقتل حالي على الفضيحة يلي صابتني بين يوم و ليلة و ما الي يد فيها ، دعيت على حالي بانو موت و ما يطلع علي النهار ،حسيت عقلي رح يوقف مين و كيف و ليش ،اسئلة كتيرة و ما عرفت جاوب عليها ،دخلت امي تهديني و امي عم تضرب ايد بايد و تبكي و تدعي على السبب ، ،بقينا سهرانين انا و امي و نحن عم نبكي و ناطرين اخواتي ليرجعو و نعرف شو صار معن ،رجعو على الساعة 11باليل
سلام: شو صار معكن
لؤي:الله يلعنو ولله لاعرفو و القطو لو كان اخر يوم بعمري
سامر:رحنا عند رفيقو للؤي قالو هيدا شاطر كتير بس طلع مسافر على الشام ،رحنا عند واحد تاني و قلنا رح يحاول يخترق حسابو و يفوت على معلوماتو الشخصية و اذا كان حاطط رقمو بيقدر يجبلنا اياه
لؤي:ما تخافي مصيرو ينعرف بالاخير
سلام(تبكي):بس انا خلص انفضحت بالحارة ،الكل رح يفكر اني مصاحبة على زوجي و باعتلو صوري ،كيف بدي امشي بين الناس ،كيف انتو رح تمشو بين الناس انا خلص انتهيت و دمرت على الاخير
لؤي:ما حدا بسترجي يفكر هيك ،الكل بيعرف مين نحن و مين انت ووشو تربايتك و ما حدا بسترجي يجيب سيرتك بالعاطل و الكل مسح الصور
فاتو اخواتي ينامو و انا متأكدة انو ما غفلت عينن و انا ما اجاني نوم و بقيت طول الليل انا و عم ابكي و اتخيل صوري بكل موبايل ،تاني يوم دقلنا محامي من طرف ليث ،و قلنا انا محامي موكل من ليث ، بكرا المسا تفضلي لعندي على المكتب كرمال توقعي على اوراق بتخص الطلاق و تاخدي متأخرك كامل ،بقيت طول النهار انا و عم ابكي لانو ليث تخلى عني بسرعة و صدق الحكي و طلقني بدل ما يوقف جنبي و يعرف مين يلي عمل معي هيك ،رحنا تاني يوم المسا انا و اخواتي على مكتب المحامي وو هن عم يهدوني حتى ما اوقع ،كانت نفسيتي مدمرة حتى شعر راسي بلش يهر و وجهي صار فيه حب، اول ما فتنا شفنا ليث ،اول ما شافو لؤي ما قدر يمسك اعصابو و هجم عليه ليضربو بس بعدناهن عن بعض ،وقعت على الاوراق فورا و قلو المحامي ل ليث تمام هلأ فيك ترمي يمين الطلاق عليها ،وقفت عم ابكي و قرب علي لؤي
لؤي:ما تبكي هو الخسران و هو يلي رح يرجع يبوس رجليكي بس يعرف انك مظلومة
سامر:يلا طلق ..نحن مستعجلين
وقف ليث و عم يطلع فيني
ليث:….انت طالق
سلام (تبكي ):الله لا يسامحك بس
نزلنا من مكتب المحامي انا و عم ابكي بعد 6شهور زواج بس و باقل من اسبوع بس اطلقت و انفضحت و سيرتي صارت على كل لسان ،تاني يوم بعتولي اهلو لليث شنتايتي و فيها كل تيابي و موبايلي ، بقيت بالتخت اسبوع و ما قدرت قوم الا عالحمام ،صار معي انهيار عصبي حاد لدرجة حسيت حالي رح موت من القهر ، بعد اسبوع اجا لؤي و جايبلي رقم الشخص يلي عامل حساب فيسبوك باسم القيصر ماجد و دقلو كتير و كان يطلع خارج التغطية ، بقينا اسبوع و نحن ندق للرقم لنعرف مين صاحبو بس على طول يطلع خارج التغطية
لؤي:بعتقد الرقم ما مفعل هلأ ، استخدمو بس ليعمل حساب على الفيسبوك ،على كل حال نحن منقدر منفوت ايمت ما بدنا على الحساب و نراقب مع مين عم يحكي
سلام:طب كيف فينا نعرف الرقم مين صاحبو ؟
لؤي:منقدم طلب للشركة و هي بتخبرنا الرقم لمين
سلام :بتزبط
لؤي: انشالله بس بدا وقت اول شي لازم نرفع دعوى على صاحب الرقم و انا رح اسأل عن هالموضوع و بلش فيه انشالله
بعد اسبوعين ،اجت جارتنا ام محمد عنا صبحية و قلتلنا انو ليث عرسو الليلة و عزمتا ام ليث على العرس ،كنت عم اشرب قهوة ،حطيت الفنجان على الطاولة و فتت على غرفتي ابكي ،بعد نص ساعة راحت جارتنا و فاتت امي عندي و شافتني قاعدة على التخت و عم ابكي
ام سامر:ما تزعلي هو ما بستاهلك و بكرا الله بعوضك عنو
سلام(تبكي):بهالسرعة بيخطب و بتزوج ،وين راح كل الحب يلي حبيتو اياه ،الله لا يسامحو الله لا يسامحو حرقلي قلبي ،مين رح يتزوج؟
ام سامر: ما عرفت ،اليوم ام محمد رايحة تحضر العرس و بتعرفلنا مين بس ما مهم ،المهم تبين الحقيقة و ينعرف مين هادا ابن الحرام يلي عمل هيك
فتت على غرفتي و رجعت ابكي و انا عم اتخيل ليث مع وحدة تانية ،و انا عم اتخيل مرة تانية فاتت على بيتي و بدا تنام على تختي و مع زوجي ،لبست تيابي و طلعت
ام سامر:لوين رايحة سلام ؟
سلام :راجعة ما بطول
ام سامر:اوعى تفكري تروحي عندو تترجيه او عند حماتك ،ما تكسريلنا ضهرنا و تذلينا
سلام:امي شو عم تحكي انت ،مستحيل اعمل هيك ،شو شايفتيتي بلا كرامة بس مخنووووقة بس و رايحة عند رفيقتي هبة غير جو ،ساعة بس ما بطول
ام سامر :طيب الله معك
طلعت من البيت انا و خجلانة و موطية راسي و ما بدي حدا يشوفني و يقول هاي هي يلي صورا انتشرو على كل موبايلات شباب الحارة ،طلعت من الحارة و تابعت مشي بالطريق ،كنت عم امشي و ما عارفة حالي لوين رايحة ،كنت عم ابكي متل ولد صغير ضاع عن امو بنص الطريق
شفت محل موبايلات ،نطرت ليفضى من العالم و بعدين فتت لعندو
سلام:مرحبا
الشاب:اهلين
سلام:بدي اسألك هلأ فيه حدا بيقدر ياخد صور من موبايلي بدون ما يكون الموبايل معو ،يعني يتحكم فيه عن بعد
الشاب:…لااا ..انا ما كتير فهمت قصدك صراحة
سلام :طيب هلأ انا …في صور بموبايلي متصورتن انا و فيديوهات كمان ،تفاجأت انو في حدا باعتن لزوجي على حسابو الفيس و هدول الصور ما طلعو من موبايلي ابدا و حاطة كلمة مرور ما حدا بيعرفا غيري و موبايلي ما ضاع ولا مرة و ما بغيب عن عيني …(تبكي ) انا رح جن من هالموضوع و انخرب بيتي من ورا هالقصة و زوجي مفكرني اني عم خونو و اني انا باعتن لحدا مع انو كل الصور هو يلي مصورني اياهن
الشاب:طيب طولي بالك يا اختي…اقعدي ارتاحي …تفضلي …مسحي دموعك و انا هلأ يشوف كيف بدي اخدمك …اولاد الحرام كتار
اخدت المحرمة منو و قعدت على الكرسي
الشاب:هلأ بجوز يكون حدا استعار منك موبايل و استغفلك و بعت الصور من جهازك لجهازو عن طريق البلوتوث او اي تطبيق انترنت متل الفيس و غيرو كتير بس بدي اسالك هيدا موبايلك قديم الا شاريتيه جديد
سلام:لا هيدا من شهر اجاني هدية من زوجي
الشاب:طيب الصور يلي وصلوه لزوجك كانو موجودين كمان على القديم
سلام :اي طبعا ،بس اشتريت الجديد بعتن على الجديد و مسحتن على القديم
الشاب:و القديم وينو هلأ
سلام :بعتو
الشاب:لمين بعتيه؟
سلام :بعتو لمحل موبايلات
الشاب:اممم انت رحتي ولا زوجك ؟
سلام :لا رحت انا لانو بعتو من هون و اشترتلو هدية الو و حبيت اعملو اياها مفاجأة
الشاب:اكيد بتعرفي المحل يلي بعتيه الو
سلام:اكيد طبعا بس ليش عم تسال عن الجهاز القديم ،انا مسحت كل صوري عليه
الشاب:في شغلة بتغفل عنا كل البنات بانو اي حدا فينو يسترجع الذاكرة القديمة ،كل الصور و الفيديوهات بخمس دقايق بس و هيدي ميزة موجودة عن جديد بالاجهزة الذكية لهيك الوحدة ما لازم تبيع موبايلا لاي حدا و خاصة اذا في صور خاصة الها
سلام :عنجد انا ما كنت بعرف هالشغلة ،برايك صاحب المحل هو يلي استرجع صوري و عمل فيني هيك ؟
الشاب:شي وارد كتير بس انت قلتي بعتن على حساب زوجك ،صاحب المحل بيعرف زوجك او بيعرفك الك ؟
سلام:لاا انا بعتو لمحل عشوائي بنص السوق
الشاب:طيب بس على كل حال راجعي صاحب المحل و اساليه لمين باع الموبايل ،يعني انا ما بقدر اظلم حدا و قلو انو هو يلي عامل هيك بس روحي لعندو انت و اخوكي و اسالوه بهدوء ،شغلة تانية هلأ انت قلتي بعت الصور لزوجك على حسابو الفيس؟
سلام:ايه
الشاب:طيب بتعرفي شو الحساب يلي انبعت منو لزوجك
سلام:ايه بعرف و اخي راح عند واحد و قدر يخترقو و جاب رقمو بس اتصلنا كتيرر و كان خارج التغطية و و قدمنا طلب لشركة اتصالات بس ما ردو لهلأ علينا بشي
الشاب:الرقم معك؟
سلام :ايه
الشاب:هاتيه انا بعرف ناس موظفة هنيك و بتخدمني بهالموضوع و بتقدر تعرفلي هالرقم لمين
سلام :عنجد
الشاب:ايه
سلام:ليكو هيدا هو ،سجلو عندك
الشاب :ماشي ، قليلو لزوجك يمرق علي بعد يومين لردلكن خبر
سلام:نحن ما بقا متزوجين ،اطلقنا من اسبوعين
الشاب:…طلقتو ؟….كرمال هالموضوع ؟
سلام:ايه
الشاب:عندك اولاد منو؟
سلام:لا نحن من 6شهور تزوجنا
الشاب:يعني ما بعرف شو بدي احكي بس ما الو حق يطلقك بهالسرعة قبل ما يسال حدا عندو خبرة بهيك مواضيع .. حرام ظلمك هيك طيب ممكن تعطيني رقم موبايلك لردلك خبر بس وقت اعرف
سلام:….
الشاب:اذا ما في احراج و اذا في احراج خلص بلا و انت مري علي شي يومين بس
سلام:لا انا طلعتي من البيت صعبة بعد الشي يلي صار ،رح اعطيك رقمي و حكيني و الله يخليك ما طول كتير
الشاب:لا انشالله
سلام:شو بطلع حسابي هيك
الشاب:ولاشي سلامتك ما عملت شي
سلام:لا ما برضى يعني اخدت من وقتك
الشاب:لا ما رح اخد ولايهمك نحن بالخدمة
اعطيتو رقمي و طلعت من عندو و رجعت لعند اهلي و نطرت سامر ليرجع من شغلو و خفت قلو ل لؤي لانو بروح فورا و بخلص عليه لصاحب المحل ، رحت انا و سامر المسا لعند صاحب المحل و ناداه سامر ليطلع برا المحل
سامر:مرحبا اخي
الشاب:اهلين خير
سامر:اختي اجت باعتك موبايلا من فترة شهر تقريبا
اطلع فيني الشاب و رجع اطلع بسامر
الشاب:صراحة ما بتذكر
سامر:لازم تتذكر لانو الشغلة صار فيها خراب بيوت و طلاق
الشاب:ليش اخي شو صار و شو دخلني انا بهالموضوع
حكالو اخي سامر كل يلي صار و انا قلتلو انو صار استرجاع لملفاتي عنكن بالمحل او يلي اشتراه عمل هيك
الشاب:طب لحظة …..يا اياااد تعا شوي
اياد:ايه
الشاب:هالصبية اجت باعتنا موبايلا من شهر بتتذكرا شي
اياد:شو كان نوع موبايلك ؟
سلام:جالكسي دوز تو كان عليه طبعة لولو كاتي من ورا
اياد:….اييه تذكرتك منيح ..لانو وقتا صرنا نضحك عليكي لانو غيرتي رايك فورا و رجعتي اخدتيه
سلام :انااا لا ما رجعت اخدتو
اياد: امبلا جيتي انت و وحدة وقتا اشتريتو منك و بعد نص ساعة اجت الصبية و قلتلي انك غيرتي رايك و بدك اياه و طلبت مني استرجعلا كل الصور و الملفات المحذوفة و انا استرجعتلا اياهن بربع ساعة و رجعتلي المصاري و راحت ،يعني موبايلك وقتا ما ضل بالمحل عندي اكتر من ساعة و الله على ما اقول شهيد يا اختي
سلام :…انااا…لاااا …ولله ما بعتا و هاي اول مرة عم بسمع الحكي منك
سامر:مين هاي سسلام ؟