معمول التمر الهش ملكة تحضيرات العيد
معمول التمر الهش ملكة تحضيرات العيد
المقادير
- 1 كيلو طحين زيرو أبيض منقيم من هالكيلو (كأس كبير) ونضع عواضها كأس كبير طحين فرخة اي سميد فرخة وهو أنعم نوع بالسميد
- نصف كيلو سمنة نباتية باررردة يعني ماتكون سايحة علأخر وبإمكانكم نصف كيلو السمنة تحطو مع بعض ربع كيلو سمنة نباتية وربع كيلو سمنة حيوانية
- 1 كأس كبير سكر
- تلت أرباع كأس كبير ماء فاتر
- ملعقة وسط بودرة خميرة
- 2 ملعقة كبيرة حليب بودرة
- ذرة محلب ناعم بس مانكتر
- لدهن وجه أقراص المعمول :
- ملعقة كبيرة سمنة حيوانية سايحة
- الحشوة:
- تمر منزوع البذور نعجنه مع رشة هيل ناعم وشوية زبدة
الخطوات
الخطوة الأولى (1):
نفرك الطحين مع السمنة (باليد او بالعجانة الآلية)
فرررك وليس عجن حتى يصبح قوامها يشبه الكريما.
الخطوة الثانية (2):
نذوب السكر والخميرة والحليب البودرة والمحلب بالماء الفاتر ونضعهم فوق الخليط السابق ونعجنها بطريقة الفرك بسرعة مدة (2دقيقة فقط) ومانكتر عجن مشان ماتفسد لأن إذا كترنا عجن بتصير متل عجينة البيتزا.
نكور كرات ونحشيهم ونشكل أقراص ونحمي الفرن من تحت ونشويهم ليتحمرو من الأسفل وبعدها نحمرهم من الوجه…
بس ليطلعو من الفرن بفرشاية ندهن وجههم بسمنة حلوب حيوانية وبتصير ريحتهم وطعمتهم زكية كتيير
وصحة وهنا….M.Q
ملاحظات هامة
1- نشكل كرة من العجين ونرقها عإيدنا عشكل قرص دائري ونحملها لازم ماتشقق أبدا وهيك معناها العجينة ناجحة وهي أول خطوة مهمة…
2- تاني خطوة مهمة: بإمكاننا أن نشتغل فيها بنفس النهار أو نتركها لترتاح لتاني يوم .
3- إذا ساخت شوي نضع كمية من العجين يلي بدنا نشتغل فيه بالبراد بعدها منطالعها ونشكلها اقراص..
4- ماتكتري عجن بالخطوة التانية وإلا بتخرب وبتصير متل عجينة البيتزا..
5- ماتكتري ماء لأن الماء بقسي عجينة المعمول..M.Q
