الجوزيه وكرات جوز الهند بالسميد ملكه تحضيرات العيد
الجوزيه وكرات جوز الهند بالسميد ملكه تحضيرات العيد
المقادير
- مقادير الجوزيه
- كاسه زبده بحراره الغرفه
- كاسه سكر مطحون
- كاسه نشا
- كاستين طحين بيضه كبيره
- ملعقه فانيلا /ملعقه باكنج باودر
- مقادير كرات جوز الهند بالسميد
- 3 كاسات جوز هند
- كاسه جوز هند
- كاسه حليب بودره
- كاسه ونص سكر
- نص كوب كاكاو مر
- نص كوب زبده دايبه
- كوب بسكويت مطحون
- كوب ماء
- ثلاث ارباع كوب سميد خشن
الخطوات
هاي الوصفتين بالنسبه الي مربوطين ببعض اقرأو للاخر علشان تعرفو السبب
الجوزيه من الحلويات الشركسيه وهيه عباره عن عجينه بتشبه عجينه البيتي فور تقريبا بس الها طريقه خاصه وجهاز خاص فيها بس صار متوفر تقريبا ببعض المحلات
طريقتها بتخلطي الزبده مع السكر والفانيلا والبيض منيح بالخفاقه وبتخلطي النشا مع الطحين مع الباكتج. باودر وبتضيفي بالتدريج للتشكل معك عجينه متماسكه مابتلزق بالايد. بعدين بتصيري تاخدي كرات صغيره بحجم حبه الزيتون وبتحطيها بالجهاز الخاص فيها وبتكبسي عليها علشان تتفرغ من الوسط يادوب دقيقه وحده بس وبتشيلهم من الجهاز وبتخلصي كل الكميه فيكي تعمليها بالكاكاو بتضيفي عل العجينه معلقتين كاكاو وبس تخلصي كل الكميه بتجيبي كل تنتين وبتحشيهم نوتيلا او توفي وبتطيقيهم على بعض (بتسكريهم ) والزياده الي من الاطراف بتحتفظي فيها لوصفه كرات جوز الهند او اي وصفه فيها بسكوت وصحتين وعافيه
****طريقه تحضير كرات جوز الهندبالسميد
بتحطي كل المكونات الي موجوده فوق على الغاز ماعدا البسكوت وبتحركي لحتى السميد يشرب كل السوائل وتصير معك متل العجينه الطريه لاتبالغو بالتحريك عل الغاز يادوب 5 دقايق بس وبتطفي الغاز وبتتركيها تبرد شوي وبعدين بتحطي عليها البسكوت المطحون خشن وبعدين بتكوريها وبتزينيها بجوز الهند او اي نوع زينه انتي بتحبي
وصحتين وعافيه
