معمول التمر ومعمول الأصابع المحشية بالتمر ملكة تحضيرات العيد

المقادير

• 6 كاسات كبار وربع طحين زيرو أبيض أي مايعادل كيلو طحين.
• 2 كأس كبير سمنة نباتية أو حيوانية بدرجة حرارة الغرفة طرية أي مايعادل نصف كيلو سمنة.
• 200 غ سكر مايعادل تلت أرباع كأس كبير.
• 200 غ ماء بارد مايعادل تلت ارباع كأس كبير.
• 3 ملعقة كبيرة قطر ثقيل يعطي العجينة طراوة بتجنن
• نصف ملعقة صغيرة خميرة فورية.
• لدهن أقراص المعمول بعد الشوي:
• زبدة لورباك مذوبة بتعطيها نكهة وريحة بتجنن..
• الحشوة: كيلو تمر منزوع البذور يعجن مع 3 ملعقة كبيرة سمنة و 1ملعقة كبيرة هيل ناعم و 1ملعقة وسط بودرة قرفة..

الخطوات

بإمكانكم تعيروا بالميزان بالكيلو او بكأس عيارها 250 مل.

نضع الطحين بوعاء عميق وفوقه السمنة ونفركهم فرك وليس عجن ونستمر بالفرك باليد 7 دقائق حتى نحصل على عجينة ملمسها ناعم..

نضع العجينة بكيس بالفريزر 15 دقيقة فقط مشان تبرد السمنة وماتعذبك العجينة و نذوب السكر مع الماء بوعاء عميق ثم نضع فوقهم القطر ونحرك..

نخرج العجينة ونضعها بوعاء العجن ونفركها لتصبح طرية ونضع الخميرة فوق خليط الماء السابق من دون تحريك وفورا” نصب الماء فوق العجينة ونحرك العجينة حركة دائرية باليد بسرررعة مدة 5 دقائق لتتتماسك ونحصل على عجينة ملمسها ناعم وقوامها ((رخوة)) وطري

نغطيها ونضعها لتبرد مدة ساعة كاملة بالبراد ورح تلاقي قوامها اختلف وتماسكت وهيك بكون عندك عجينة ملمسها ناعم وبجنن..

شكلت المعمول بالقالب العادي ،،

وبالشوكة :كوري العجينة متل الكرة واحشيها واضغطي عليها بالشوكة .

بالنسبة لمعمول الأصابع: كوري العجينة متل الكرة واحشيها ودحرجيها بإيدك بالطول لتصير متل الاصبع

دحرجيها على صحن مدهون القليل من القطر الثقيل وغطسيها بالسمسم من كل الاطراف وبتطول شوي لتستوي بالفرن

ونضعها على صينية من غير ماندهن الصينية نحمي الفرن وبعد 15 دقيقة ندخل الصينية عالرف الوسط لتتحمر الاقراص من الأسفل ثم تحمر من الأعلى وانتبهوا عالتحمير لان ممكن تنلدع الاقراص من غير ماتنتبهي ونخرجها وفورا” نرش عأقراص المعمول زبدة المذوبة ونتركها لتبرد لنقيمها من الصينية.. وتحفظ بعلبة فيها كيس محكمة الإغلاق حتى تظل بطعمها الرائع أكثر مدة ممكنة..