بسكويت سهل وسريع بدون بيض ملكه تحضيرات العيد
بسكويت سهل وسريع بدون بيض ملكه تحضيرات العيد
المقادير
- كاسة زبده
- كاسة شاي صغيره زيت
- كاسة سكر باودر
- كاسة نشا
- طحين حدود كاسه ونص حسب نوع الطحين
- ذرة ملح
- معلقه فانيلا
- نص معلقه صغيره بكنج باودر
- ثلاث معالق كاكاو غير محلى
الخطوات
بسم الله الرحمان الرحيم
كل عام وانتم بالف خير
اول شي بحضر وعاء لعجن البسكويت وبضع فيه البده والزيت والسكر الباودر وبخفق حتي يصير الخليط كريمي وبضيف النشا وبخفق او بحرك لايدي حتى يتجانس النشا مع الزيت والسكر والسمنه وبضيف الفانيلا والباودر وذرة الملح وبحرك بايدي وبضيف الطحين بالتدريج حتى احصل على عجينه متماسكه لا تلتصق باليد وبقسمها قسمين قسم بضيفلو الكاكاو وقسم بتركه على لونه وبريحها بالثلاجه نص ساعه وبعدين بعملهم على شكل حبل صغير بقطعهم قطع صغيره قد حبة الزيتون وبشتغل فيهم
باخذ ثلاث كرات بيضاء وثلاث كرات بنيه بحطهم على شكل دائري بلمهم بايدي بقربهم لبعض كما هو موضح بالصوره وبحطهم على كفة الايد الشمال وبضغط عليهم براحة الا اليمين وبحصل على الشكل المطلوب وبرصهم بالصينيه بعاد عن بعض شوي وبخبزهم على درجة حراره متوسطه وبراقبهم بدهم تقريبا من ربع الى ثلث ساعه وبدون تحمير يا رب تعجبكم وتابعي الصور فيها توضيح للطريقه
شكرا لكم وفقكم الله لما يحب ويرضى
