كعكات العيد معمولاتي انا واختي حبيبتي ملكة تحضيرات العيد

المقادير

• باكيتين سميد
• زبدة المارجرين الصفراء
• يانسون مغلي ومحلى
• مستكة ومحلب
• وكلفة الكعك (بهار الكعك)
• معلقة خميرة في كاسة وبنخمرهن في يانسون مقدار نص الكاسة او اكتر شوي
• كاسة زيت ذرة
• تمر للحشوة وفستق حلبي وجوز

الخطوات

بسم الله نبدأ اول اشي بندير السميد في جاط كبير وبنحط الزبدة في طنجرة عشان تذوب وبندير كاسة الزيت عليهم وبس يدوبو بنخليهم يبردو يصيرو فاترين بعدين بنبلش نبسهم مش عجن بنبسهم وبنخليهم لتاني يوم وتاني يوم بنكون مجهزين اليانسون وبنطحن المستكة والمحلب عشان يكونو ناعمين وبنديرهم فوق السميد وبنحط كلفة الكعك وبنبلش نقلب فيهن عشان يتخربط مع بعض وبندير اليانسون شوي شوي مع التقليب مش تعجن وبس يجهزو بنصير نقطعهن دوائر ونحشيهن تمر او اللي بتحبو وبنشكلهم في القالب او تنقيش في الملقط والتنقيش احلى وبنخبزهن ع نار هادية تحمير خفيف ما يكونو محروقات وبطحن سكر عشان نرش ع الكعكات

وااااااااااالللللللللللللللللف صحةةةةةةةةةةة وهنااااااااااااااااااااااا ع قلوبكممممممممممممممم ام خالد