مقاديرالعجين:
خمس اكواب طحين
ربع ملعقه محلب ان وجد
اربع ملاعق كبار سكر
ملعقتين حليب بودره
ملعقتين لبن زبادي كبيره
ملعقه بيكنج باودر او محسن خبز
ملعقتين كبيره خميره مذوبه بكوب ماء دافئ
ربع كوب زيت زيتون
وربع كوب زيت مازولا
نص ملعقه فانيلا.
الطريقه للعجين:
– نخلط جميع المقادير ونبلش نعجنها بماء فاتر لحتى تصير عجينه طريه ماتلزق باليد.ونتركها ساعتين لتتخمر.
طريقه الكفته:
لحمه مدهنه. ملح. فلفل. بهار كزبره يابسه. فليفله حمره. ونكورهم كرات صغيره.
مقاديرالصلصه:
بصله مفرومه
اربع بندورات مكعبات
حبه فليفله مكعبات
تلاته سن ثوم مهروس
زعتر بري
فلفل
رشه كزبره
ملح
ملعقه كاتشب
وملعقه كبيره صلصه بندوره
الطريقه للصلصة:
– نحط ملعقه سمنه ونذبل شوي البصل وانحط فوقها باقي المكونات مع نص كوب ماء لحتى تنشف ميها ونضربهم بالخلاط.
– نحتاج جبنة كيري او اي نوع جبنه تفضلوها.
طريقه تطبيق البيتزا:
– ندهن صينيه البيتزا بالزيت ونفرد قسم من العجين على طحين عالطاوله حجم اكبر شوي من الصينيه لاني حاشيه اطرافها وننقل العجين عالصينيه ونحاول انظبط شكله ونخلي حواف العجينه لبره الصينه ونتركها ترتاح شوي.
– ونجي نحشي اطرف الصينينه انا حشيتها كيري, وبلشت اغلق الاطرف يعني العجينه يلي بره الحواف بحطها فوق الكيري وبضغط مشان مايفتح.
– ودهنت الاطراف بالبيض ورشيت فوقها بقسماط وزعتر بري وبارميزان بودره ان وجد, ودهنتا بالصلصه وفوقها الكفته وفطر وجوانح بصل’ وممكن تحطو ذره وزيتون اسود.
– ونخبزها بالفرن وبكون حامي ونخبزها عنار وسط وبس تستوي نحطلها الجبنه وزعتر بري وندخلها لتذوب الجبنه, وصحتين وألف عافية.
ملاحظة:
كرات الكفتة ننضعها على البيتزا وهي نية, لانو اذا انقلت قبل بتقسى بالفرن بتنشف, وبكورها صغار.
نسعد بمتابعتكم لنا على جروب زاكي لفن الطهي:
بيتزا محشية الاطراف – Cheese Stuffed Crust Pizza