لحمة مشوية مع ارز مبهر
لحمة مشوية مع ارز مبهر
المقادير
- كيلو ونصف لحمة خروف قطع متوسطة
- 3 كاسات ارز بسمتي
- ملعقتين زيت ذرة
- حبتين بصل شرايح
- ملح
- بهارات مشكلة
- رشة هيل
- رشة زنجبيل
- رشة فلفل اسود
- ورقتين غار
- كم فص توم
الخطوات
بننقع اللحمة بالخل والملح لمدة ساعة بعد غسلها طبعا
بنحط اللحمة بصينية مع البهارات جميعها والملح والبصل الشرايح والزيت …بنحط غمرة الصينية ماء مغلي وبنغطيها بالقصدير وبنحطها بالفرن وكل ما نقصت المي بنزيدها مي مغلية لانه محتاجين مرقتها ..وبس تستوي بنزل المرقة وبنفلفل عليها الارز وبنترك اللحمة بالفرن عشر دقايق ورح تتحمر لوحدها بدون شواية
تقدم مع السلطة واللبن
وهيني كتبت اسمي جوا الصور عشان في ناس صارت تسرق صوري وتنشرهم باسماؤهم
#لحمة مشوية مع ارز مبهر .ام نضال
