فطيره البطاطا ولا اطيب
فطيره البطاطا ولا اطيب
المقادير
- كيلو بطاطا مسلوقه ومهروسه
- بيضتين
- معلقتين طحين
- فلفل اسود
- ملح
- ربع ملعقه كركم
- ربع كوب زيت زيتون
- مقادير حشوه فطيره البطاطا راس بصل كبير مفروم ناعم
- فلفل حلو الوان مفروم ناعم
- حبتين جزر مبروشين
- كوب ذره
- زيت زيتون
- ملح فلفل اسود كمون رشه بهارات
الخطوات
بسم الله نبدا
اول اشي بنضيف البطاطا المهروسه والبيض والطحين والفلفل اسود وملح والكركم وزيت الزيتون وبنخلطهن منيح
وثاني أشي بنجهز الحشوه
بنحوس البصل بزيت الزيتون شوي لما يذبل وبنضيف الفلفل والجزر والذره والبهارات والملح والكمون والفلفل اسود وبنحركهم وبنحوسهم عشر دقايق تقريباا وبنتركها تبرد
بنحضر صينيه الفرن وبندهنها زيت وبنقسم خليط البطاطا لقسمين وبنحط اول قسم بالصينيه وبنفردو وبنحط الحشوه وبنرجع بنحط القسم الثاني وبنفردو وبنغطي الحشوه وتزين بالمكسرات او البقسماط وبنحط الصينيه بالفرن على درجه 200 لمده عشرين دقيقه او اقل حسب الفرن وبنحمر وجها شوي وتقدم
والف صحه وهناا
يا رب تعجبكم تحياتي الكم جميعا رشا ام احمد
