ترته بالكيكة الإسفنجية ملكة الحلويات الشرقية
ترته بالكيكة الإسفنجية ملكة الحلويات الشرقية
المقادير
- ٨ بيضات
- ٤ بكنج باودر
- ٤ فانيلا
- كاستين سكر
- معلقة خل
- ٤ كاسات طحين
- كاستين حليب سائل
- كاسة زيت
- كريمة جاهزه ولوز محمص وفواكة للتزيين
الخطوات
بنفصل الصفار عن البياض وبكون البيض بدرجة حرارة الغرفة بنخفق البياض بنبلش بالبياض بنخفقه مع كاسة سكر ومعلقة الخل وبنضل نخفق فيه ليصير متل التلج ومتماسك وبنتركه عجنب
بعدين بنخفق الصفار مع كاسة السكر والفانيلا ليصير على بياض ويذوب السكر بنضيف الحليب والزيت وبنخفق بنخل الطحين مع البكنج باودر ورشة ملح وبنضيفه لخليط الصفار وبنقلبه لحتى يذوب الطحين ويتجانس
بنضيف خليط البياض الى تركناه عجنب على الخليط بالتدريج معلقه معلقه وبنحرك بالمعلقه بشكل دائري مشان ما يهبط
بندهن صينية بزيت ورشة طحين وبنصب الخليط بكون كتير رغوي ومرتفع وبندخله فرن محمى مسبقا لمدة ٤٥ على درجة ١٨٠ ويمكن يوخذ اقل اذا كان الفرن حامي كتير
بخفق الكريمه مع كاسة الا ربع حليب بارد جدا وفنجان سكر باودر وبحطها بالثلاجه
بس يستوي الكيك بطلعه وبخليه يبرد وبجهز فواكه بقطعها وبجيب الكيكة وبقطعها لثلاث طبقات وبشربها بعصير برتقال وبدهن كميه من المربى وبعدين طبقة كريمه وقطع فواكه وبحط فوقها طبقه الكيك الثانيه وبشربها ونفس الشي بدهنها بالمربي والكريمه وقطع فواكه وبحط طبقه الكيك الاخيرة وبدهن الكيكة من كل الجوانب بالكريمه وبلزق عالجناب اللوز وبزينها بالفواكه المتوفره وبعمل بكيت جيلي على اناناس او تفاح وبخليه تقيل شوي يعني بقلل كمية الماء وبدهن وجه الفواكه مشان ما يتغير لونها وبندخلها الثلاجه تتماسك وصحه
