مقلوبة باذنجان

المقادير

• دجاجتين او على حسب الرغبه
• خمس حبات باذنجان كبيره
• حبتين بطاطا ازا ما بتحبي تحطي بطاطا اختياري انا بالعاده ما بحط بس هاي اول مره بحط وطلعة كتير طيبه
• رز مصري
• بصل
• بندوره يصفو بقاع طنجرة الطبخ
• بهارات مشكله
• ملح
• فلفل اسود
• رشة زنجبيل
• رشة قرفه
• خمس حبات قرنفل
• حبتين لومي اسود
• خمس ورقات غار
• ملعقة كبيره اكليل الجبل
• ملعقة هيل
• بصل حبتين كبار
• ضرسين تومه

الخطوات

نغسل الدجاج جيدا

نقطعه الى اربع قطع

نضعه بطنجرة الضغط مع قليل من الزيت والملح ونقلب جيدا الى ان تجف ماء الدجاج…

نغمره بالماء

نضع البصلتين مقطعين وضرسين تومه

وجميع البهارات السابق ذكرها

نغلق الطنجره لمده ٢٥دقيقه

نغسل الباذنجان ونقطعه ونقليه الى ان يحمر ويأخذ اللون المحمر الجميل

نقطع البطاطا حلقات ونقليها

بالطنجره اللى بدنا نطبخ فيها الأرز

نقطع بصل حلقات دوائر ونصفها بقاع الطنجره

نقطع بندوره دوائر ونصفها فوق البصل

نضع البطاطا المقليه الحلقات الدوائر فوق البندوره

وزي ما قلتلك اذا ما حبيتي تحطي بطاطا اختياري

صفي الباذنجان فوق البطاطا

ضعي الارز فوقهم

صفي مرقة الدجاج فوق الارز مع مكعب ماجي على المرقه

وضعيه على النار الى ان يستوي الأرز

حمري الدجاج بالشوايه

اقلبي الارز بصدر كبير وصفي الدجاج فوقه وزينيه بالمكسرات

وصحتين وعافيه…

نانا عواد