طريقة طبخ البط بألذ طريقة
طريقة طبخ البط بألذ طريقة
المقادير
- بطتين كاملين
- شرائح بصل
- فلفل أسود
- ملح
- بهارات مشكله
- كمون
- هيل
- رشة قرفة
- صلصة بندورة
- للصفيحة:
- للعجينة ٥ أكواب طحين
- معلقة كبيرة خميرة
- معلقة سكر
- رشة ملح
- ظرف بكنج باودر
- معلقتين زيت زيتون
- معلقتين لبن رايب
- كاستين ماء
- للحشوة:
- نص كيلو لحمه
- حبتين بندورة
- حبتين فلفل حلو أخضر
- قرنين فلفل حار
- دبس رمان
- معلقة كبيرة سماق
- ٤ سنون ثوم
- بهارات
- فلفل
- ملح
- معلقة طحينة
الخطوات
اول شي بنغسل البط وبنضفه منيح من الريش الي عليه وبعدين بغسله بملح ليمون ورشة طحين وبعدين بغسله بالمي وبحطه بالطنجره عالنار مع شرائح بصل وبخليه عشر دقايق رح تطلع منه زيت كتير بطفي تحته وبكب المي
بحط البط بصنية وبتبله بالبهار والفلفل والملح والكمون والهيل والقرفه والصلصة من برا وجوا بحط تحته وعالجناب شرائح بصل وبغلفه بالقصدير مدة ٤٥ دقيقة وصحه وهنا
سلقته بالاول مشان يطلع الزيت والدسم منه لانه البط لحمه دسم هيك بخف وبيطلع اطيب
طريقة الصفيحه:
للعجينه بنحط ثلاث اكواب طحين بوعاء وبنحط عليهم معلقه الخميره والسكر والملح والبكنج باودر وبنخلطهم بعدين بنضيف كاستين المي وبنعجنهم بتكون العجينه رخوه بنتركها ترتاح عشر دقايق وبنرجع بنضيف كاستين الطحين الي ضلو بالتدريج حتى تصير عجينه متماسكه ازا كانت بدها كمان طحين بنزيد شوي
بنحط بالخلاط البندوره والفلفل والبصل والتوم ومعلقة الطحينيه ودبس الرمان والبهار والفلفل والسماق وبنخلطهم وبنظيفهم عاللحمه المفرومه وبنملحها وبنتركها تتصفى
بنجيب العجينه بنقسمها اقراص صغيره وبنتركهم يرتاحو
بعد ما يرتاح العجين بنحط زيت على مكان الشغل وبنفرد العجينه وبنحشيها وبنرتب بالسدر الي بدنا نخبز فيه وبفتح بيضه بصحن وبحط عليها شوية زيت وبفرشاية نضيفه بدهن وجه المعجنات
بنكون مسخنين الفرن وبس يتعبى السدر بنحطه بالفرن لمده ٢٠ دقيقه وبنحمر الوجه وصحه وهنا
