أصابع زينب ملكة الحلويات الشرقية

المقادير

• كاستين سميد
• كاسة طحين
• نص كاسة زيت
• معلقة صغيرة خميرة
• معلقة صغيرة بكنغ باودر
• معلقة كبيرة فانيلا أو يانسون مطحون متل ما بتحبي النكهة
• معلقتين سكر
• رشة ملح
• مي دافية للعجن

الخطوات

بخلط الطحين والسميد مع البكنغ باودر والفانيلا او اليانسون والخميرة والسكر ورشة الملح وبحط عليهم الزيت وببسهم مع بعض وبعدين بعجنهم بالمية الدافية المي حسب الحاجة وبتركهم يرتاحو ساعة وبعدين بشكلهم على مصفاية او مبرشة ناعمة وبقليهم بزيت حامي وبطلعهم من الزيت على طول على قطر بارد

القطر

ثلاث كاسات سكر كاستين مي وعصرة نص ليمونة وبحطهم مع بعض على الغاز عشر دقائق وبتركو يبرد تماما